नेपाल बचत तथा ऋण केन्द्रीय सहकारी संघ लि (नेफ्स्कून) ले बचत तथा ऋणको कारोबार गर्ने संघको रुपमा राष्ट्रिय सहकारी नियमन प्राधिकरणमा अभिलेखिकरणका लागि निवेदन दर्ता गराएकोछ । सहकारी ऐन २०७४ (संशोधन २०८२ समेत)को दफा २० को (क) बमोजिम दर्ताका लागि मिति २०८२ फागुन ११ गते राष्ट्रिय सहकारी नियमन प्राधिकरणले तोकेका विभिन्न कागजपत्रहरुको प्रतिलिपि प्रति पेश गरी दर्ताका लागि आव्हान गरेको थियो । 
दर्ताको निवेदन पेश गर्ने क्रममा राष्ट्रिय सहकारी नियमन प्राधिकरणका अध्यक्ष डा.खगराज शर्माले नेपालका सबै बचत तथा ऋणको कारोबार गर्ने जिल्ला, प्रदेश र केन्द्रीय संघहरुको अनुकुलताका आधारमा तोकिएका कागजपत्रहरु संलग्न गरी प्रतिलिपिहरुमा स्वःप्रमाणित गरी तोकिएको बैंकमा रु ५०००।०० जम्मा गरेको सक्कल भौचर सहित प्राधिकरणको कार्यालय वा कुनै पनि माध्यमबाट कागजपत्रहरु सहितको निवेदन प्रिन्ट प्रति नै उपलब्ध गराई दर्ताको प्रक्रियामा जान सक्ने बताउँदै संघलाई यस विषयमा प्रचारप्रसार गरी सहजिकरणको लागि अनुरोध समेत गर्नुभएकोछ ।