गैँडाकोट । गैँडाकोट स्थित विकू बचत तथा ऋण सहकारी संस्था लि.ले “सही प्रविधि, असल सिकाइ” भन्ने उद्देश्य सहित सञ्चालनमा ल्याएको विकू डिजिटल पार्क एप प्रयोगमा उत्कृष्ट स्थान हासिल गर्ने बालबालिकालाई फागुन २६ गते मंगलबार एक कार्यक्रमका बीच सम्मान गरेको छ ।

एप्सको माध्यमबाट बालबालिकाहरूलाई मनोरञ्जन र शिक्षा एकसाथ दिँदै बालबालिकाको बौद्धिक क्षमताको विकास, मनोरञ्जन र सानै उमेरदेखी बचत गर्ने वानीको विकास गरी असल, नैतीकवान, सिर्जनात्मक र तार्किक क्षमता बढाउनु विकू डिजिटल पार्क एपकोे उद्धेश्य रहेको छ । 

उत्कृष्टता हासिल गर्ने बालबालिकाहरूलाई मासिक रुपमा सम्मान तथा शैक्षिक सामग्री सहित पुरस्कृत गर्ने कार्यक्रम अनुसार माघ महिनामा उत्कृष्ट खेल्ने विद्यार्थी मध्यविन्दु नगरपालीका वार्ड नं.३,ईटौरा निवासी कक्षा ५ मा अध्ययनरत विप्लप पोख्रेल र गैडाकोट नगरपालीका वार्ड नं. २ निवासी  कक्षा ३ मा अध्ययनरत सम्मृद्धि सापकोटालाई सम्मान गरेको छ । 

यो एप विशेष गरी बालबालिकाहरूको सिर्जनात्मक र तार्किक क्षमता बढाउन डिजाइन गरिएको साकोसका प्रमुख कार्यकारी अधिकृत माधव पौडेलले बताउनु भयो । 

मोबाइलमा अनावश्यक गेमको सट्टा क्विज, गणितीय समस्या समाधान तथा बौद्धिक खेलहरू खेल्दा बालबालिकाको सिकाइमा सकारात्मक प्रभाव परेको अभिभावकहरूले बताएका थिए ।