चितवन । नेपाल बचत तथा ऋण केन्द्रीय सहकारी संघ लि.(नेफस्कून) चितवन सदस्य सेवा कार्यालयको आयोजनामा अग्रभागका कर्मचारीहरुको क्षमता विकास तालिम चैत्र २७ गते सम्पन्न भएको छ । 

चैत्र २६ र २७ गते दुई दिवसीय तालिममा चितवन र नवलपुर जिल्लाका सदस्य साकोसहरुबाट ३४ जनाको उपस्थिती रहेको थियो । 

तालिममा समुहगत अभ्यास गराएर सहकारी सम्बन्धी विभिन्न बिषयहरुको जानकारी गराईएको थियो । समापन तालिमको अध्यक्षता संघका सञ्चालक गोपाल प्रसाद गौतमले गर्नुभएको थियो । अग्रभागमा कार्यरत कर्मचारीहरू संस्थाको महत्वपूर्ण आधार भएको र यी कर्मचारीहरू नै सदस्यहरूसँग प्रत्यक्ष रूपमा सम्पर्कमा रहने, उनीहरूसँग सम्बन्ध स्थापना गर्ने तथा संस्थाको सेवा प्रभावकारी रूपमा पु¥याउने मुख्य माध्यम भएकाले यस्ता तालिमहरुको आवश्यकता अनुरुप संघले आयोजना गरेको बताउनुभयो । 

तालिमबाट सिकेका ज्ञान, सीप र अनुभवलाई दैनिक कार्यक्षेत्रमा व्यवहारिक रूपमा प्रयोग गर्नुपर्नेमा जोड दिदैँ, यसरी सीपहरूको प्रभावकारी प्रयोगले मात्र संस्थाको सेवा गुणस्तर सुधार हुने, सदस्यहरूको सन्तुष्टि बढ्ने र अन्ततः दिगो संस्थागत विकासमा महत्वपूर्ण योगदान पुग्ने उहाँको धारणा थियो ।

तालिमको समग्र समापनसंगै सहभागीको तर्फबाट लाफा साकोसबाट सुनिता ढकालले तालिममा सहभागीको उत्साहजनक सिकाई रहेको र यस तालिमले कर्मचारीहरुलाई सदस्य सगं गरिने ब्यवहार,जोखिम ब्यवस्थापन,सुचना प्रबिधिको जानकारी,सहकारी ऐन नियमहरुको जानकारी आदि बिषय सम्बन्धी  महत्वपुर्ण सिकाई रहेको जानकारी गराउन्ु भयो । 

तलिमको सहजीकरण नेफ्स्कूनका तालिम अधिकृत श्यामराजा तिमल्सिनाले गर्नुभएको थियो भने समापन कार्यक्रमको सञ्चालन  तथा तालिमको ब्यवस्थापन नेफस्कून सदस्य सेवा कार्यालय चितवनका कार्यालय प्रमुख यमकला सुवेदीले गर्नु भएको थियो ।