पोखरा  ।  नेपाल बचत तथा ऋण केन्द्रीय सहकारी संघ (नेफ्स्कून) र कास्की बचत तथा ऋण सहकारी संघ वीच प्रारम्भिक सञ्जाल साझेदारी कार्यक्रम वैशाख ०२ गते सम्पन्न भएको छ । 

नेफ्स्कूनका सञ्चालक सदस्य कमला देवी गिरी, पोखरा सदस्य सेवा कार्यालय प्रमुख सुरज चालिसे, कार्यक्रम अधिकृत मनोज खड्का तथा अनुगमन सहजकर्ता दिप्ती आचार्य र दिनेश थापाको उपस्थिति रहेको थियो ।  

कास्की संघका अध्यक्ष शेर बहादुर कार्की उपाध्यक्ष, सचिव, समितिका सदस्य तथा उपसमितिका प्रतिनिधिहरूको समेत उपस्थिति रहेको थियो ।

कार्यक्रममा सञ्चालक सदस्य गिरीले सञ्जाल विस्तार, सदस्य सेवा सुदृढीकरण तथा भावी सहकार्यका सम्भावनाहरूका विषयमा धारणा राख्दै सहकार्यको आवश्यकता औल्याउनु भयो। कार्यक्रम अधिकृत खड्काले “सञ्जाल साझेदारी सञ्चालन निर्देशिका २०८०” अनुसार नियमित निरीक्षण तथा अनुगमन प्रणालीबारे जानकारी गराउनुभएको थियो।

पोखरा सदस्य सेवा कार्यालय प्रमुख चालिसेले सहकारीबीचको साझेदारीले संस्थागत सुदृढीकरण, क्षमता विकास तथा प्रभावकारी सेवा प्रवाहमा महत्वपूर्ण योगदान पुर्‍याउने बताउनुभयो। कार्यक्रमका सहभागीहरूले यस्ता प्रारम्भिक साझेदारीले सहकारी क्षेत्रको दिगो विकासमा टेवा पुग्ने विश्वास व्यक्त गर्नु भयो।