प्यूठान । कालिमाटि बचत तथा ऋण सहकारी संस्था लिमिटेड (सारङ्गवेसी) र पुरण्ठाँटी बचत तथा ऋण सहकारी संस्था लिमिटेड (बरौला, प्यूठान) को संयुक्त आयोजनामा तथा नेफ्स्कूनको प्राविधिक सहजीकरणमा समिति, उपसमिति र कर्मचारीहरूको क्षमता विकास तालिम असार ३ गते सम्पन्न भएको छ ।

तालिमको अध्यक्षता कालिमाटि साकोसका अध्यक्ष वेगम घर्तिमगरले गर्नुभएको थियो । उहाँले तालिम उपयोगी भएको उल्लेख गर्दै सिकेका ज्ञानलाई व्यवहारमा लागू गर्न सहभागीहरूलाई आग्रह गर्नुभयो ।

त्यस्तै, पुरण्ठाँटी साकोसका नुम प्रसाद श्रेष्ठले स्वागत मन्तव्य दिँदै सहकारी सञ्चालनमा तालिमको महत्व र बदलिँदो परिस्थितिमा समिति, उपसमिति तथा कर्मचारीहरूको भूमिका र जिम्मेवारी बुझ्न आवश्यक रहेको बताउनुभयो ।

तालिममा दुवै संस्थाका समिति, उपसमिति र कर्मचारी गरी कुल २९ जनाको सहभागिता थियो। नेफ्स्कूनका बरिष्ठ अधिकृत कोमल राज अधिकारीले सहकारी अवधारणा, मूल्य–मान्यता, सिद्धान्तहरूको व्यवहारिक प्रयोग, समिति तथा कर्मचारीको भूमिका, ऋण लगानी प्रक्रिया, कागजात, ऋण जोखिम पहिचान र न्यूनिकरण, पूँजी पर्याप्तता तथा वर्तमान कानुनी व्यवस्थाबारे प्रशिक्षण दिनुभएको थियो ।