चितवन । बचत ऋण सहकारी संस्थाहरुको अन्तराष्ट्रिय गुणस्तर सुनिश्चितता कार्यक्रम एक्सेस अन्तर्गत चितवन खोलेसिमल स्थित सुरक्षित बचत तथा ऋण सहकारी संस्था लिमिटेडमा असार १३ गते स्थलगत सुपरिवेक्षण सम्पन्न भएको छ । 

असार १२ र १३ गते दुई दिनसम्म भएको सुपरिवेक्षणमा सफ्टवेयरमा User ACCESS Control नियामकीय अनुकूलन, सम्पत्ति शुद्धीकरण निवारण सम्बन्धी नियामकबाट जारी भएका मापदण्डहरुको कार्यान्वयन, सञ्चालक समितिका Fit and Proper, भाखा नाघेको ऋण असुली,  भौतिक सुरक्षा व्यवस्थापन लगायतका विविध विषयहरुमा छलफल गरिएको छ । 

सुपरिवेक्षण पश्चातको छलफलका क्रममा संस्थाका अध्यक्ष लालुप्रसाद दाहालले एक्सेस सुपरिवेक्षणले संस्थाको दीगो विकासका लागि मार्गदर्शन गरेको, संस्थाले पालना गर्नुपर्ने नियामकीय मापदण्डहरु र यसको गम्भिर्यता बुझ्न सहज भएको बताउनुभयो । एक्सेस स्थलगत अन्वेषण एवम परामर्श संघका वरिष्ठ अधिकृत प्रेमनाथ वाग्लेले गर्नुभएको थियो ।