चितवन । नेपाल बचत तथा ऋण केन्द्रीय सहकारी संघ लि. (नेफ्स्कून) ले सहकारी संस्थाहरूको नियमित निरीक्षण तथा अनुगमनका लागि सञ्चालन गर्दै आएको स्क्यान कार्यक्रममा चितवनको आकृति महिला बचत तथा ऋण सहकारी संस्था लि. आबद्ध भएको छ ।

रत्ननगर नगरपालिका–१२, सालघारी, चितवन स्थित आकृति महिला साकोस र नेफ्स्कूनबीच स्क्यान कार्यक्रममा आबद्धतासम्बन्धी सम्झौता सम्पन्न भएको हो ।

सम्झौतामा नेफ्स्कूनका तर्फबाट सहायक कार्यकारी अधिकृत एवं सदस्य सेवा विभाग प्रमुख दुर्गाप्रसाद ढकाल र आकृति महिला साकोसका तर्फबाट अध्यक्ष दुर्गा पाण्डेले हस्ताक्षर गर्नुभएको थियो ।

कार्यक्रममा आकृति महिला साकोसकी अध्यक्ष दुर्गा पाण्डे र व्यवस्थापक विनिता तामाङ तथा नेफ्स्कूनका चितवन फिल्ड इन्चार्ज यमकला सुवेदी र कार्यक्रम अधिकृत श्यामराज तिमल्सिना, केदार अधिकारी र सहायक सन्तोष अधिकारीको उपस्थिति रहेको थियो ।

स्क्यान कार्यक्रम मार्फत सहकारी संस्थाहरूको नियमित निरीक्षण, अनुगमन तथा संस्थागत सुदृढीकरणमा सहयोग पुग्ने अपेक्षा गरिएको छ ।