धनुषा । सुलभ बचत तथा ऋण सहकारी संस्था लि. मिथिला नगरपालिका लालंगढ, धनुषा को आयोजना तथा नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहयोग र German Sparkassenstiftung for International Cooperation को सहयोगमा तीन दिने कृषक व्यवसाय खेल तालिम असोज ०५ गते सम्पन्न भएको छ ।

असोज ०३ देखि ०५ गतेसम्म सञ्चालन भएको तालिम Learning By Doing  खेल विधिमा आधारित कृषक व्यवसाय खेल तालिम सहकारीका कृषि पेशामा संलग्न सदस्यहरुलाई निर्वाहमुखिबाट व्यवसायिक कृषिमा रुपान्तरण गर्ने त्ययकि को रुपमा रहेको थियो । सिमुलेसन विधिको प्रयोग गरि खेलिने यस खेलबाट सदस्यहरुले कृषि पेशा व्यवसायबाट वास्तविक जीवनमा कृषिको व्यवसायिक वृद्धि विकासका लागि कसरी काम गर्नुपर्छ भन्ने विषयमा सैद्धान्तिक ज्ञानलाई व्यवहारसँग जोड्ने काम गर्दछ ।

सहभागिहरुलाई ५ जना सहभागिको दरले ५ वटा समुह बनाई प्रशिक्षण गराइएको  थियो । तालिममा सहभागीहरूले अहिलेसम्मकै फरक, व्यवहारमुखी र प्रभावकारी तालिम रहेको उल्लेख गर्दै तालिमबाट प्राप्त सिकाइलाई आफ्नो दैनिक जीवन तथा कृषि व्यवसायमा व्यवहारिक रूपमा लागू गर्ने प्रतिबद्धता व्यक्त गरेका थियो ।

तालिमको उद्घाटन सुलभ साकोसका अध्यक्ष शिव कुमार सुनुवारको अध्यक्षता र तालिममा उपस्थित जेष्ठ सदस्य  नारायण बिक्रम थापाको आतिथ्यतामा भएको थियो भने समापन अध्यक्ष शिव कुमार सुनुवारले गर्नु भएको थियो । 

२५ जना कृषक सदस्यहरुको सहभागीता रहेको तालिमको सहजीकरण नेफ्स्कूनका कार्यक्रम अधिकृत रिसभराज रेग्मी र राजेन्द्र ढकालले गर्नुभएको थियो । कार्यक्रम संचालन सचिव बिनिता कुमारी  घिमिरेले गर्नु भएको थियो भने सम्पूर्ण व्यवस्थापन व्यवस्थापक इशारा श्रेष्ठले गर्नु भएको थियो ।