काठमाडौं i काठमाडौं बचत तथा ऋण सहकारी संघ लि. (कास्कून) को १८ औं स्थापना दिवस तथा १७ औं वार्षिक साधारण सभा आज सम्पन्न भएको छ । सीमित भौतिक उपस्थिति र जुम एप्लिकेशनका माध्यमबाट अभौतिक सहभागिताका साथ आयोजना गरिएको कार्यक्रमको उद्घाटन राष्ट्रिय सहकारी महासंघका अध्यक्ष मिनराज कडेलले गर्नुभएको थियो भने अभौतिक रुपमा नेफ्स्कूनका अध्यक्ष परितोष पौड्याल, राष्ट्रिय सहकारी बैंकका अध्यक्ष केबी उप्रेती, लगायतले शुभकामना व्यक्त गर्नुभएको थियो । भौतिक रुपमा उपस्थित नेफ्स्कूनका बरिष्ठ उपाध्यक्ष एवम् कास्कूनका सल्लाहकार चन्द्र प्रसाद ढकालले पनि कास्कूनको स्थापना दिवस एवम् साधारण सभाको उपलक्ष्यमा हार्दिक शुभकामना व्यक्त गर्नुभएको कार्यक्रमको अध्यक्षता कास्कूनका अध्यक्ष दिपक पनेरुले गर्नुभएको थियो ।

यसै अवसरमा कास्कूनले विभिन्न पुरस्कार र सम्मानको पनि घोषणा गरेको छ । उत्कृष्ट व्यवसाय साकोस सम्मानबाट सतुङ्गलस्थित वेस्टर्न ऋतम्भरा साकोस, अधिक सेयर खरिद साकोस सम्मानबाट सामाखुशीस्थित सत्कार साकोस, उत्कृष्ट साकोस सम्मानबाट चन्द्रागिरी नपा ७ स्थित चन्द्रागिरी साकोस, अधिक बचत कारोबार साकोस सम्मानबाट मनोहरा नगरपालिका थलीस्थित कोलमतेश्वर साकोस, कास्कून वर्ष व्यक्ति सम्मानबाट संघका पूर्व लेखा सुपरिवेक्षण समिति संयोजक हरिशरण थापा, उत्कृष्ट कर्मचारी÷व्यवस्थापक÷प्रमुख कार्यकारी अधिकृत सम्मानबाट संघका व्यवस्थापक अरुण कुमार तिवारी सम्मानित हुनुभएको छ ।