काठमाडौं । चितवनको रत्ननगर–२ टाँडीीस्थित पेवा बचत तथा ऋण सहकारी संस्था लि.को पिठुवा सेवा केन्द्रको आयोजनामा रत्ननगर नगरपालिका वडा नं १५ का टोल विकास संस्थाका अध्यक्षहरु लगायत संघ संस्थाका प्रतिनिधिहरुसँग समसामयिक विषयमा छलफल तथा चियापान कार्यक्रम सम्पन्न भएको छ । हिजो भएको उक्त कार्यक्रमको सभापतित्व पेवा साकोसका अध्यक्ष गोविन्द प्रसाद भट्टराईले गर्नुभएको थियो भने प्रमुख अतिथि वडा अध्यक्ष हुमनाथ लामिछाने हुनुहुन्थ्यो । कार्यक्रममा गजेन्द्र अधिकारी, सेवा केन्द्र संयोजक मधुसूदन लामिछाने, संस्थाका व्यवस्थापक किशोर भट्टराई लगायतका उपस्थिति थियो । कार्यक्रममा सहकारीका समसामयिक गतिविधिका साथै संस्थाका पछिल्ला गतिविधिका बारेमा छलफल भएको थियो ।