बाँक । जिल्लामा सञ्चालित बचत तथा ऋण सहकारी संस्थाहरुलाई लक्षित गरी जिल्ला बचत संघ बाँकेको आयोजना  र नेफ्स्कूनको प्राबिधिक सहकार्य मा दुई दिवसीय सदस्य सम्बन्ध तथा बजारीकरण क्षमता विकास तालिम माघ १० गते नेपालगञ्जमा सम्पन्न भएको छ । 

बचत तथा ऋण जिल्ला सहकारी संघ लि बाँके का अध्यक्ष प्रकास ज्ञवालीको अध्यक्षता र नेफ्स्कून ब्यवस्थापन उप–समिति सदस्य विष्णु बहादुर रिमालको प्रमुख आतिथ्यतामा तालिमको उद्घाटन सत्र समापन भएको थियो । उक्त सत्रमा ब्यवस्थापन उप–समिति सदस्यहरु, मनोचिकित्सक छविलाल अधिकारी र जिल्लाका ३० ओटा साकोसहरुबाट ३८ जनाको सहभागिता रहेको थियो ।  
 
प्रमुख अतिथि रिमालले अहिलेको विष्म परिवेशमा प्राम्भिक साकोहरुमा फ्रन्ट लाईनमा काम गर्ने कर्मचारीहरुलाई अहिलेको प्रतिस्पर्धात्मक बजारसँगको विद्यमान चुनौति र यसको सामना शक्ति विकासमा लाग्न अनुरोध गर्नुभयो । साथै साकोसलाई सम्भावित जोखिमबाट जोगाउन सुशासनमा रहेर संस्था सञ्चालन गर्नुपर्ने, तरलता ब्यवस्थापनसँग संस्थाको ख्याति, सञ्चालक तथा ब्यवस्थापनको भविष्य, सदस्यको बचतको सुरक्षा, सहकारी अभियानको प्रतिष्ठा लगायतका विषय जोडिएको हुदाँ यी विषयहरुमा बजार प्रतिनिधिहरुले विषेश ध्यानदिनुपर्ने बताउँदै सक्षमता अभिवृद्धि गर्न र सदस्यमैत्री सेवा प्रवाहका लागि साकोसको सहकार्य र ऐक्यबद्धता गतिशील हुन आवश्यक रहेको बताउनुभयो ।

तालिम सहजिकरण संघका बरिष्ठ अधिकृत दिपक प्रसाद ढुंगाना र कार्यक्रम सञ्चालन तथा व्यवस्थापन बचत संघका सचिव प्रेम बहादुर शाहले गर्नुभएको थियो ।