दोलखा । जिल्लाको हाम्रो जनकल्याण बचत तथा ऋण सहकारी संस्था लि ले आफ्नो सामाजिक उत्तरदायित्व अन्गरगत प्राचिन ऐतिहासिक नगरी दोलखा बजारमा नागरिक प्रतिक्षालय निर्माण गरी औपचारिक कार्यक्रमका साथ आज समुदायलाई हस्तान्तरण गरेको छ । 

प्रतिक्षालयको उद्घाटान गर्दै भीमेश्वर नगरपालिका २ का वडा अध्यक्ष बिराजमान श्रेष्ठले हाम्रो जनकल्याण सहकारीले शेयर सदस्यको बचत तथा ऋण परिचालनको प्रभावकारितासँगै सामुदायिक गतिविधिमा समेत सहकार्य गरेकोमा धन्यावद दिदैं अझ समुदाय स्तरसम्म प्रविधियुक्त सेवा पु¥याउन आग्रह गर्नुभयो । 

आज नै सोही क्षेत्रका शेयर सदस्यको सुविधालाई ध्यानमा राखी दोलखा बजारमा संस्थाको दोस्रो नगद संकलन केन्द्रको समेत उद्घाटन गरिएको थियो । वडा अध्यक्ष बिराजमान श्रेष्ठ र संस्थाका अध्यक्ष राजन श्रेष्ठले संयुक्त रुपमा नगद संकलन केन्द्र र नागरिक प्रतिक्षालयको उद्घाटन गरिएको थियो । यसअघि संस्थाले यही फागुन १ गते भीमेश्वर नगरपालिकाको वडा नं. ५ मिलघुम्ती र कार्तिकेमा यात्रु प्रतिक्षालय समुदायमा हस्तान्तरण गरेको थियो भने चरिकोटमा नगद संकलन केन्द्र सञ्चालनमा ल्याएको थियो ।