दैलेख । जिल्लाको गुराँस गाउँपालिका मा नेफ्स्कूनद्वारा सञ्चालित आधारशिला कार्यक्रम अन्तर्गत सहकारी सचेतना गोष्ठी आज सम्पन्न भएको छ । 

गोष्ठीका प्रमुख अथिति गुराँस गाउँपालिका का अध्यक्ष खेमराज वलीले सहकारी संघ संस्था व्यवस्थापन, प्रवर्द्धन र नियमन गर्ने दायित्व गाउँपालिको भए पनि सीमित स्रोत साधन, न्यून जनशक्ति र प्राविधिक जनशक्ति अभावकै कारणले सुरुवाती चरणमा स्वभाविक रुपले सहकारीका काम गर्न नसकेको स्वीकार गदै नेफ्स्कून सँंगको साझेदारीले पालिका भित्रका सहकारी संघ संस्था व्यवस्थापनमा सहजता पुग्ने विश्वास व्यक्त गर्नुभयो । नेफ्स्कून र गाउँपालिकाले संयुक्त रुपमा सम्पूर्ण सहकारी संस्थाहरुमा स्थलगत अनुगमन गरी संस्थाको आवश्यकताको विश्लेषण गरेर सोही अनुरुप कार्यक्रम तय गर्ने धारण उहाँले राख्नु भयो । उहाँले आधारशिला कार्यक्रमले स्थानीय स साना सहकारी एकीकरणका लागि समेत आधार तयार गर्ने हुँदा संस्था सबलीकरणमा कार्यक्रमको महत्व रहने चर्चा गर्नुभयो । 

गोष्ठीमा आधारशिला कार्यक्रमको आवश्यकता, सञ्चालन प्रकृया, सहकारी संस्थाहरुको भुमिका, आधारशिला को परिचय सहित समसामहिक विषयमा संघका बरिष्ठ अधिकृत नविन राज दाहालले सहजीकरण गर्नुभएको थियो । बरिष्ठ अधिकृत दाहालको अध्यक्षतामा सम्पन्न गोष्ठीमा सहकारी शाखा प्रमुख विष्णु अधिकारी, नेफ्स्कून का बरिष्ठ सहायक खिलनाथ लुइटेल,  गाउँपालिकाका कर्मचारी, सहकारीका प्रतिनिधिहरु सहित ४० जनाको सहभागिता रहेको थियो । कार्यक्रमको सञ्चालन सुर्खेत फिल्ड कार्यलय इन्चार्ज छत्र प्रसाद धमालाले गर्नु भएको थियो ।