काठमाडौं । पुरानो सिनामंगलस्थित पाँच तारा बचत तथा ऋण सहकारी संस्थाले राष्ट्रिय सहकारी महासंघका अध्यक्ष मीनराज कंडेल र इलाम जिल्ला सहकारी संघका अध्यक्ष विष्णु कुमारी लिम्बु दाहाललाई सहकारी अभियन्ता सम्मान बाट पुरस्कृत गरिने घोषणा गरेको छ । संस्थाले प्रत्येक बर्ष बार्षिकोत्सवका अवसरमा सहकारी अभियन्ता सम्मान घोषणा गर्ने गरेको संस्थाका व्यवस्थापक राधा कडरियाले जानकारी गराउनुभयो । २०७६ मा पनि कोभिड १९ का कारण लकडाउन परेकोले संस्थाको १२ औं बार्षिकोत्सब कार्यक्रम प्रभावित भएकोले २०७६ र ०७७ दुवै बर्षको सहकारी सम्मान घोषणा यस बर्ष गरिएको संस्थाले जनाएको छ । 

संस्थाले आफ्नो १३औं बार्षिकोत्सव समारोह पनि कोभिड संक्रमण जोखिमका कारण विस्तृत रुपमा गर्न नसकिएको व्यवस्थापक कडरियाले बताउनुभयो । संस्थाको सभाहलमा आज आयोजित एक संक्षिप्त कार्यक्रमका बीच १२औं र १३औं सहकारी अभियन्ता सम्मान घोषणा सहित नयाँ बर्ष शुभकामना आदान प्रदान गरेको थियो ।  आज घोषित सम्मान तथा पुरस्कार संस्थाले बार्षिक साधारणसभाका अवसरमा वितरण गरिने जनाएको छ । 

समय र प्रविधिको समन्वय मार्फत सहज र शुलभ सेवा दिन सकिन्छ भन्दै सदस्यहरुलाई प्रविधिमैत्री वितीय सेवा उपलब्ध गराउँदै आएको पाँचतारा साकोसले ४०० जना नियमित बचतकर्ता र उद्यम खाता खोल्ने सदस्यहरुलाई निशुल्क अटोमेडेट टेलर मेसिन (एटीएम) कार्ड सेवा वितरण गरी वित्तीय कारोवारमा सहजता प्रदान गरेको जनाएको छ । 

२०७७ फागुन ५ गते बाट एटीएम सेवा शुरु गरेको संस्थाले पहिलो चरणमा २००० एटीएम कार्ड वितरणको योजना ल्याएको हो । साथै मोइबाइल एण्ड डेटा टेक्नोलोजी अन्तर्गतका सम्पूर्ण प्रविधि सेवा उपलब्ध गराएको साकोसले एटीएम सेवा र अन्य प्रविधि प्रयोग विस्तार सँगै सदस्य कारोबार बढेको व्यवस्थापक कडरियाले जानकारी गराउनुभयो । एससीटी नेटवर्कसँगको सहकार्यमा शुरु गरिएको एटीएम सेवाबाट सदस्यले नेटवर्कमा आवद्ध जुनसुनै संस्थाको मेशिनमा कार्ड स्वाप गरेर भुक्तानी लिन सकिने साथै ई कमर्श, वालेट जस्ता प्लाटफर्ममा कार्ड एड गरेर विभिन्न वस्तु खरिद तथा सेवा उपभोग गर्न सकिने संस्थाले जनाएको छ । करिब २ हजार सदस्यहरु रहेको साकोसको कुल वासलात ६५ करोड भन्दा माथि रहेको छ ।