सुनसरी । जिल्लाको इटहरी उपमहानगरपालिका–६ स्थित दुर्गा बचत तथा ऋण सहकारी संस्था लि.नेफ्स्कूनको गुणस्तर सुनिश्चितता सम्बन्धी राष्ट्रिय कार्यक्रम प्रोबेशनमा आबद्ध भएको छ । यस सम्बन्धमा नेफ्स्कून र दुर्गा साकोसबीच हिजो (साउन २५) गते औपचारिक सम्झौता भएको हो । 

उक्त कार्यक्रममा संस्थाका व्यवस्थापक कुमार निरौला, लेखा समिति सदस्य कृष्ण चन्द्र राई, पूर्व सञ्चालक शम्भू कुमार श्रेष्ठ र नेफ्स्कूनको तर्फबाट फिल्ड व्यवस्थापन उपसमति सदस्य शालिकराम ढकाल, सुनसरी फिल्ड कार्यालय इन्चार्ज पवन घिमिरे, व्यवसाय सहायक रामहरी भट्टराई लगायतको उपस्थिति रहेको थियो ।  

संस्थाका व्यवस्थापक कुमार निरौलाले साकोस गुणस्तर सुनिश्चितताको कार्यक्रम प्रोबेसन सहभागिताले नीति, विधि र प्रविधिमा सुधार साथै संस्थाको वित्तीय सुशासन एवम् संस्थागत विकासमा टेवा पुग्ने विश्वास लिइएको बताउनुभयो । २३ सय सदस्यहरु माझ वित्तीय सेवाको पहुँच पुर्याउँदै आएको समुदायमा सञ्चालित दुर्गा साकोसको ५३ करोडको वासलात रहेको उहाँले जानकारी गराउनुभयो ।