काठमाडौं । गुल्मीको रेसुङ्गा नगरपालिकासँग आज आधारशिला कार्यक्रम कार्यान्वयन सम्झौता भएको छ । नगरप्रमुख डिल्लीराम भुषाल, प्रमुख प्रशासकीय अधिकृत भक्तिराम मरासिनीसँगै वडा नं १, ५, १० र ११ का वडा अध्यक्षहरुसमेत सहभागी रहनुभएको सम्झौता हस्ताक्षर कार्यक्रममा नेफ्स्कूनकातर्फबाट रुपन्देही फिल्ड कार्यालय इन्चार्ज छत्र प्रसाद धमला र कार्यक्रम अधिकृत रिता सुवेदी सहभागी हुनुहुन्थ्यो ।

नेफ्स्कूनले स्थानीय निकायसँगको सहकार्य र समन्वयमा सबै प्रकृतिका सहकारीहरुको सक्षमता विकास तथा सशक्तिकरणका लागि विकास गरेको नयाँ कार्यक्रम हो आधारशिला । गुल्मीबाट प्रोबेसन ब्रान्ड प्राप्त गरी एक्सेस कार्यक्रममा सहभागी लेकाली स्वावलम्बन साकोसका कोषाध्यक्ष एवम् सहकारी अभियन्ता कृष्ण पोखरेलले समन्वय गर्नुभएको कार्यक्रमममा नगरपालिकाको वडा नं १ का वडा अध्यक्ष अभिलेषण प्रसाद पाण्डे, वडा नं ५ का अध्यक्ष हरिप्रसाद शर्मा खनाल, वडा नं ११ का अध्यक्ष खुम राना र नगरपालिकका प्रबक्ता समेत रहनुभएका वडा नं १० का अध्यक्ष पद्म अर्याल सहभागी हुुनुभएको थियो । कार्यक्रममा नगरप्रमुख ले आधारशिला कार्यक्रमले समग्र सहकारीहरुको शुद्धीकरणमा योगदान गर्ने विश्वास व्यक्त गर्नुभयो । सहकारी अभियन्ता एवम् लेकाली स्वावलम्बन साकोसका कोषाध्यक्ष पोखरेलले जिल्लाभरका सबै पालिकासँग आधारशिला कार्यक्रम सम्झौताको लागि समन्वय गर्न आफुले सहयोग गर्ने पनि बताउनुभयो । सम्झौतामा नगरप्रमुख भुसाल र नेफ्स्कूनका फिल्ड इन्चार्ज धमलाले प्रमुख मरासिनी तथा संघकी कार्यक्रम अधिकृत सुवेदीको रोहवरमा हस्ताक्षर गर्नुभएको थियो । उक्त कार्यक्रममा सहकारी अभियन्ता पोखरेल पनि सहभागी हुनुहुन्थ्यो ।

पछिल्लो समयमा आधारशिला कार्यक्रममा देशैभरका स्थानीय निकायहरुको चासो बढेको छ । स्थानीय निकायहरुसँगको सम्झौताका आधारमा जागरण, विकास, प्रवर्धन र सञ्जालीकरण गरी ४ चरणमा सहकारीहरुका लागि कार्यक्रमहरु तय गरी क्षमता अभिवृद्धि, सुशासन, तालिम र शिक्षासँगै उद्यमशीलता प्रवर्धनमा आधारशिला कार्यक्रमले काम गर्नेछ ।