सिन्धुली ।  कमलामाई महिला बचत तथा ऋण सहकारी संस्था लि.को आयोजनामा साकोसहरुबीच कार्यकुशलता तथा सिकाई व्यवस्थापन कार्यशाला शुक्रबार सिन्धुलीमा सम्पन्न भएको छ । 

कार्यक्रममा आयोजक साकोसकी अध्यक्ष निर्मला पौडेलको अध्यक्षता र  दुधौली नगरपालिका वडा नम्बर ४ का वडा अध्यक्ष रीत बहादुर बिकको प्रमुख आतिथ्यता रहेको थियो ।

कार्यक्रममा प्रमुख अतिथि बिक र सिन्धुली बचत संघका कोषाध्यक्ष कृष्णहरि कोइरालाले शुभकामना मन्तव्य व्यक्त गर्नुभएको थियो ।  

नेपाल बचत तथा ऋण केन्द्रीय सहकारी संघ लि.(नेफ्स्कून) र सिन्धुली बचत तथा ऋण सहकारी संघ को प्राविधिक सहयोगमा सञ्चालित कार्यक्रममा कमलाखोच  क्लस्टरका  ६ वटा सहकारी संस्थाका  २५ सहकारीकर्मीहरुको सहभागिता रहेको थियो ।

कार्यक्रम सञ्चालन साकोसकी सचिव बेदकुमारी पोखरेल  र स्वागत  कर्मचारी  प्रज्ज्वला तिमल्सिना ले गर्नुभएको थियो भने सहभागी साकोस प्रतिनिधिहरुले आ–आफ्नो  प्रगति र सिकाइ आदानप्रदान गरेका थिए । सहकारीकर्मीहरुको क्षमता अभिवृद्धि गर्दै सहकारीहरुको स्तरोन्नति गर्ने उद्देश्य राखी सञ्चालन भएको कार्यशाला सहजीकरण नेफस्कूनका कार्यक्रम अधिकृत पवन घिमिरे र सिन्धुली बचत संघका कार्यक्रम अधिकृत शारदा पहाडीले गर्नुभएको थियो ।