काठमाडौं । कैलालीको धनगढीमा अवस्थित संगम बचत तथा ऋण सहकारी संस्था लि. को दशौं बार्षिक साधारणसभा शुक्रबार सम्पन्न भएको छ । साकोसका अध्यक्ष नरेश बहादुर विष्टको अध्यक्षतामा आयोजित साधारणसभाको उद्घाटन प्रमुख अतिथि नेफ्स्कूनका बरिष्ठ उपाध्यक्ष चन्द्र प्रसाद ढकालले गर्नुभएको थियो । कार्यक्रमका विशिष्ट अतिथिमा नेफ्स्कूनका सञ्चालक सदस्य माधव प्रसाद जोशी लगायत स्थानीय सहकारीकर्मीहरु उपस्थित हुनुहुन्थ्यो । 

साकोसको दशौ बार्षिक साधारणसभाले मनमोहन विष्टको अध्यक्षतामा ७ सदस्यीय सञ्चालक समिति र दिपकराज जोशीको संयोजकत्वमा तीन सदस्यीय लेखा सुपरिवेक्षण समिति चयन गरेको छ । साकोसको उपाध्यक्षमा रघुविर भट्ट, सचिवमा केदारनाथ भट्टराई, कोषाध्यक्षमा हेमराज पाण्डेय सर्वसम्मत चयन हुनुभएको छ । त्यसै गरी सदस्यहरुमा रोशनकुमार कर्ण, शान्तीदेवी जोशी र प्रिया खडका चयन हुनुभएको छ  भने लेखा सुपरिवेक्षण समिति संयोजकमा दिपकराज जोशी र सदस्यहरुमा थानेश्वर खराल र कालुराम चौधरी चयन हुनुभएको छ । 

समुदायमा सञ्चालित साकोस सहकारीका मुल्य, सिद्धान्त साथै निति र विधिमा सञ्चालित छ । १ हजार ७ सय १५ सेयर सदस्य रहेको साकोसको कुल वासलात रु. ४५ करोड ४४ लाख भन्दा बढीको रहेको छ ।