काठमाडौं । नेफ्स्कून शिक्षा तथा स्रोत केन्द्रको आयोजनामा भक्तपुरमा अध्यक्षहरूको क्षमता विकास तालिम सम्पन्न भएको छ । पौष २२ र २३ गते सञ्चालित तालिमको उद्घाटन नेफ्कूनकी सञ्चालक सदस्य मन्दरा मिश्रको अध्यक्षतामा भएको थियो भने समापन नेफ्स्कूनका अध्यक्ष परितोष पौड्यालको अध्यक्षता र राष्ट्रिय सहकारी बैकका सञ्चालक ध्रुवराज बिष्टको आतिथ्यतामा भएको थियो । 

तालिममा विभिन्न बचत तथा ऋण सहकारी सस्थाका ४२ जना अध्यक्षहरुको सहभागिता रहेको थियो ।

उद्घाटन सत्र सम्बोधन गर्दै सञ्चालक मिश्रले शिक्षा, तालिम र सूचना सहकारी संस्थामा अपरिहार्य रहेको र सञ्चालक, कर्मचारी तथा सदस्य निरन्तर शिक्षित रहनुपर्नेमा जोड दिनुभएको थियो । 
समापन समारोहमा बोल्दै अध्यक्ष पौड्यालले हाल साकोसमा प्रविधि अपरिहार्य रहेको बताउनुभयो । अबको विश्व प्रविधिको रहेको र प्रविधिमा आधारित संस्था सदस्यको पहिलो रोजाई रहने कुरा अ‍ौल्याउनु भयो । त्यस्तै साकोसको सुरक्षा कवचको रूपमा स्थिरीकरणकोष सञ्चालमा रहेको र कोषमा योगदान गर्ने साकोसहरु अनिवार्य रुपमा स्तरीकरण कार्यक्रममा सहभागी हुनुपर्ने बताउनुभयो ।

तालिम सहजिकरण नेफ्स्कून शिक्षा तथा स्रोत केन्द्रका प्राचार्य  तथा सहायक कार्यकारी अधिकृत सञ्जयराज तिमिल्सिना र तालिम अधिकृत सुमनराज घिमिरेले गर्नुभएको थियो । कार्यक्रम सञ्चालन भक्तपुर फिल्ड कार्यालयका ईन्चार्ज पेशल कुमार खड्काले गर्नुभएको थियो भने तालिम व्यवस्थापन तालिम सहायक रेजिना पौडेलले गर्नुभएको थियो ।