धनुषा । मधेश प्रदेशको जनकपुरधाममा साकोसहरुका लागि धितो लिलामी प्रक्रिया तथा कानूनी व्यवस्था सम्बन्धी एक दिने गोष्ठी आईतबार सञ्चालन भएको छ । 

मधेश प्रदेशमा सञ्चालित सहकारीहरुलाई लक्षित गरि नेफ्स्कूनद्वारा आयोजना गरिएको गोष्ठीमा नेफ्स्कूनमा आवद्ध सर्लाही,महोत्तरी र रौतहटका ६५ वटा बचत तथा ऋण सहकारी संस्थाबाट ७० जनाको सहभागिता रहेको थियो । उक्त कार्याक्रम नेफ्स्कूनकी सञ्चालक तथा फिल्ड कार्यालय व्यवस्थापन उप–समिति संयोजक गोमा नेपालको अध्यक्षतामा भएको थियो । 

कार्यक्रममा धितो लिलामीको प्रक्रिया र कानुनी व्यवस्था सम्बन्धी के–के प्रावधान रहेको छ भन्ने विषयमा नेफ्स्कूनका अन्तर लगानि अधिकृत मनोज बुढाथोकीले सहजीकरण गर्नु भएको थियो ।

कार्यक्रममा फिल्ड व्यवस्थापन उपसमिति सदस्य बिभु पोखरेलले स्वागत मन्तव्य राख्नु भएको थियो भने फिल्ड व्यवस्थापन उपसमिति सदस्य बाबुराम घिमिरेले शुभकामना मन्तव्य राख्नु भएको थियो । सर्लाही फिल्ड कार्यालयको व्यवस्थापनमा आयोजित कार्यक्रमको सञ्चालन फिल्ड कार्यालयका ईन्चार्ज महेश बरालले गर्नु भएको थियो ।