काठमाडौं । रुपन्देही जिल्ला बचत तथा ऋण सहकारी संघ लि. को १७ औं वार्षिक साधारणसभा पौष २३ गते शनिबार सम्पन्न भएको छ । संघका अध्यक्ष प्रकाश भट्टराईको अध्यक्षतामा आयोजित सभाको उद्घाटन प्रदेश मन्त्रालयका सचिव नेत्र प्रसाद सुवेदीले गर्नुभएको थियो । समारोहमा राष्ट्रिय सहकारी महासंघका सञ्चालक एवम् जिल्ला सहकारी संघका अध्यक्ष भीमप्रसाद तुलाचन, लुम्बिनी प्रदेश बचत संघका अध्यक्ष कृष्ण नेपाल, लुम्बिनी विशिष्टिकृत सहकारी संघका अध्यक्ष डा. खगराज शर्मा, नेफ्स्कूनका सञ्चालक एवम् संघका सचिव सन्दिप सापकोटा लगायत विषयगत केन्द्रीय संघका पदाधिकारीहरुको आतिथ्यता रहेको थियो । 

सभामा सञ्चालक समितिको प्रतिवेदन संघका सचिव सन्दिप सापाकोटाले प्रस्तुत गर्नुभएको थियो भने कोषाध्यक्ष खेमराज पाण्डेले आ.व.०७८/०७९को आय व्यव विवरण तथा चालु आ.व.०७९/ ८० को प्रस्तावित नीति तथा कार्यक्रम र बजेट प्रस्तुत गर्नुभएको थियो । लेखा सुपरिवेक्षण समितिका सदस्य पुरुषोत्तम आचार्यले लेखा समितिको प्रतिवेदन प्रस्तुत गर्नुभएको थियो । 

संघमा आवद्ध कुल २८१ सदस्य संस्थामध्ये एकीकरण पश्चात हाल २५४ सदस्य आवद्ध रहेको संघले जनाएको छ । संघको शेयर पुँजी रु.५६ लाख ६१ हजार, बचत रु.४ करोड ९४ लाख ४५ हजार ७७५, ऋण लगानी रु.४ करोड ९ लाख ४ हजार ४४७ गरी कुल पुँजी रु. ६ करोड ३१ लाख ६८ हजार रहेको संघकी व्यवस्थापक शर्मिला गौतम भट्टराईले कुराकानीका क्रममा जानकारी गराउनुभयो । 

निर्वाचन सहितको सभाले बसन्त ढकालको अध्यक्षतामा १३ सदस्यीय सञ्चालक समिति र पुरुषोत्तम आचार्यको अध्यक्षतामा ३ सदस्यीय लेखा सुपरिवेक्षण समिति निर्वाचित गरेको छ । सञ्चालक समितिको उपाध्यक्षमा गोमादेवी पौडेल, सचिव बाबुराम बञ्जाडे, कोषाध्यक्ष भोज बहादुर बुढाथोकी सदस्यहरुमा खेमराज पाण्डे, अशोक तिवारी, रामप्रसाद पौडेल, निर्मला अधिकारी, कपिला एसी रायमाझी, मीना पौडेल, रमणि डुम्रे, भानुभक्त पौडेल र नारायण प्रसाद भट्टराई निर्वाचित हुनुभएको छ । 

त्यसैगरी लेखा सुपरिवेक्षण समितिको संयोजकमा पुरूषोत्तम आचार्य र सदस्यहरुमा धना खनाल र प्रिया गुरुङ निर्वाचित हुनुभएको छ ।

नवनिर्वाचित सञ्चालक समिति र लेखा सुपरिवेक्षण समितिलाई हार्दिक बधाई तथा शुभकामना ।