कास्की । पोखरा–५ स्थित धर्मस्थली बचत तथा ऋण सहकारी संस्था लि. ले १६ औ स्थापना दिवसको उपलक्ष्यमा विविध सामाजिक उत्तरदायित्वका कार्यक्रमहरु सञ्चालन गरेको छ । साकोसले विभिन्न दाताहरुको सहयोगमा धर्मस्थली चौतारी निर्माण, जेहेन्दार छात्र छात्राहरुलाई छात्रवृत्ति, जेष्ठ नागरिकहरुलाई आर्थिक सहयोगका कार्यक्रमहरु आयोजना गरेको हो ।

आज आयोजित स्थापना दिवस समारोहको उद्घाटन पोखरा महानगरपालिका वडा नं. ५ का वडा अध्यक्ष बिष्णु प्रसाद बरालको प्रमुख आतिथ्यतामा भएको थियो । प्रमुख अतिथि बरालले चौतारी उद्घाटन साथै जेहेन्दार छात्र छात्राहरुलाई छात्रवृत्ति प्रदान गर्नुभएको थियो ।  

साकोसले धर्मस्थली सहकारी भवन अगाडि राजमार्ग छेउमा रु. ५५ हजार लागतमा धर्मस्थली चौतारी निर्माण गरेको हो । दुई सदस्यहरुको आर्थिक सहयोग सहित निर्मित चौतारीमा साकोसको लागत रु. ३८ हजार रहेको छ । हरि प्रसाद पराजुलीद्वारा स्थापित भोजराज यमकला पराजुली स्मृती कोष र संस्थाका कर्मचारी सविता भटृराई अधिकारीको बिशेष सहयोगमा २ वटा चौतारी निर्माण गरिएको साकोसले जनाएको छ । 

त्यसैगरी साकोसले जेहेन्दार छात्र छत्राहरुलाई रु. १० हजार बराबरको छत्रवृत्ति साथै जेष्ठ नागरिक सदस्यहरुलाई रु. १० हजार आर्थिक सहयोग प्रदान गरेको छ । साकोसका पूर्व अध्यक्ष कृष्णमणि भूत्र्यालद्वारा स्थापित चन्द्ररत्न स्मृती ट्रष्टबाट बाराही माध्यामिक बिद्यालयका छात्र कक्षा १२ का बिक्रम बि.क.तथा छात्रा एलिशा पौडेल र धर्मस्थली आधाभुत विद्यालयका कक्षा ५ का छात्रा भूमिसा मगर तथा कक्षा ७ का छात्र शक्सेस तिमिल्सीना गरी ४ जना गरिब तथा जेहन्दार छात्र छात्रालाई रु. १० हजार बराबरको छात्रवृत्ति प्रदान गरेको छ । 

सोकृती कोइरालाद्वारा स्थापित सोकृती छात्रावृत्ति कोषबाट धर्मस्थली आधारभुत विद्यालयकी छात्रा रितिशा अधिकारीलाई र.२ हजार पाच सय बराबरको छात्रावृत्ति उपलब्ध गराएको छ । 

संस्थाका अध्यक्ष नारायण प्रसाद गौतमद्वारा स्थापित चन्द्रकान्त गौतम स्मृती कोषबाट पोखरा–५ प्रस्याङ स्थित जेष्ठ नागरिक मिलन केन्द्रलाई रु. १० हजार आर्थिक सहयोग गरिएको साकोसले जनाएको छ । 

कार्यक्रममा शिक्षाविद एवं संस्थाका पूर्व सल्लाहकार हेरम्ब प्रसाद कोइराला, संस्थापक अध्यक्ष कृष्णमणि भूत्र्याल, पोखरा महानगर कार्यपालिका सदस्य हरिमाया बि.क.र सल्लाहकार तथा व्यवसायी पुरुषोत्तम प्रसाद पराजुली शुभकामना दिनुभएको थियो । 

साकोसका अध्यक्ष नारायण प्रसाद गौतमको अध्यक्षतामा भएको कार्यक्रममा स्वागत प्रबन्धक कृष्ण प्रसाद पराजुलीले गर्नु भएको र कार्यक्रम सञ्चालन संस्थाका सचिव कृष्ण प्रसाद कोइरालाले गर्नु भएको थियो ।

आफ्नो १६औं स्थापना दिवस मनाउँदै गरेको धर्मस्थली साकोसले हाल २ हजर ५३ सदस्यहरुमाझ वित्तीय तथा गैरवित्तीय सेवा उपलब्ध गराएको छ । साकोसको शेयर पुँजी रु. ७ करोड ८४ लाख र कुल सम्पत्ती ५९ करोड रहेको छ । साकोस नेफ्स्कूनद्वारा सञ्चालित राष्ट्रिय स्तरको गुणस्तर सुनिश्चितताको कार्यक्रम प्रोबेसनमा सहभागी छ ।