काठमाडौं । ६७औं राष्ट्रिय सहकारी दिवसका अबसरमा रौतहटको चन्द्रपुरस्थित संकल्प साकोसले गरुडास्थित बंशिराम अनाथ आश्रमलाई सहकारी सामाजिक उत्तरदायित्व अन्तर्गत दश हजार रुपैयाँ बराबर खाद्य सामाग्री उपलब्ध गराएको छ । दिवसको अघिल्लो दिन आयोजित अबसरमा साकोसका अध्यक्ष बिभु पोखरेल ,लेखा सुपरीवेक्षण समिति संयोजक गणेश पौडेल, सल्लाहकार उदय प्रसाद देवकोटा, उपाध्यक्ष कृष्ण चन्द्र पोखरेल, सचिब के बि थापा, कोषाध्यक्ष बलराम गौतम, सन्चालक भरत प्रसाद अधिकारी र एकनाथ चौलागाईं, व्यवस्थापक हरि प्रसाद तिमल्सिना सहभागी हुनुभएको थियो ।

साकोसले चामल, दाल,तेल चिउरा ,सोयाविन आदि खाद्य सामाग्री उपलब्ध गराएको हो । आफ्नो निजी सम्पत्ति प्रयोग गरी ३० जना अनाथको शिक्षा ,स्वास्थ्य, आवास, भोजनको ब्यबस्था गर्नु हुने मनकारी बाबा बंशिरामलाई साधुवाद दिनुपर्ने साकोसले जनाएको छ ।