प्यूठान । नेपाल बचत तथा ऋण केन्द्रीय सहकारी संघ लि. (नेफ्स्कून) को आयोजना तथा बचत तथा ऋण सहकारी संघ लि. प्यूठानको समन्वयमा 'व्यवसाय प्रर्वद्धन तथा स्थिरीकरण कोष सम्वन्धी अभिमुखीकरण' कार्यक्रम बिहिवार प्यूठानमा सम्पन्न भएको छ । बिजय फूलबारी साकोसको सभा हल जुम्रीमा कार्यक्रम सम्पन्न भएको हो ।

बचत संघ प्यूठानका अध्यक्ष भोज बहादुर बस्नेतको अध्यक्षतामा भएको कार्यक्रममा जिल्ला सहकारी संघ लि. प्यूठानका अध्यक्ष सुशील पोखरेल, नेफ्स्कून सदस्य सेवा कार्यालय दाङ्गका व्यवस्थापन उप–समिति सदस्य एवं बिजय फुलबारी बचत तथा ऋण सहकारी संस्थाका अध्यक्ष नेत्रमणी आचार्य, बचत संघ प्यूठानका पदाधिकारीहरु लगायत ४१ जनाको सहभागिता थियो ।

कार्यक्रममा नेफ्स्कूनको रणनीतिक उद्देश्यहरु, साकोस अभियानको मार्गचित्र, मिरा सफ्टवेयर, व्यवसाय सम्वन्धित क्षेत्रहरु लगायत व्यवसाय प्रर्वद्धन विषयमा नफ्स्कूनका सहायक कार्यकारी अधिकृत गणेश प्रसाद तिमिल्सिनाले सहजीकरण गर्नुभएको थियो भने संघको सदस्य सेवा कार्यालय दाङ्गका इन्चार्ज विष्णुदत्त जोशीले बचत तथा ऋण सहकारी संस्थाहरुका लागि स्थिरीकरण कोषको महत्व तथा कोषको परिचालन उपयोगिता बारे प्रस्तुतीकरण गर्नु भएको थियो ।

सहभागी व्यवस्थापकहरुले कार्यक्रम प्रभावकारी भएको बताउँदै तालिम शिक्षाका कार्यक्रमहरुलाई अझ व्यापक बनाउन नेफ्स्कूनसमक्ष सुझाव समेत राख्नुभएको थियो ।