सुन्दरहैंचा । मोरङको सुन्दरहरैँचा–४ मा रहेको दौतरी बलिया बचत तथा ऋण सहकारी संस्था लि.को १७ औँ वार्षिक उत्सव कार्यक्रम चैत्र १० गते सम्पन्न भएको छ । 

सहकारी संस्थाका अध्यक्ष उमेश वस्तीको सभाअध्यक्षतामा आयोजित कार्यक्रमको उद्घाटन आर्थिक मामिला तथा योजना मन्त्रालय कोशी प्रदेश मन्त्री रामबहादुर मगरले गर्नुभएको थियो । कार्यक्रमका विशिष्ट अतिथिमा सुन्दरहरैँचा नगरपालिकाका नगर प्रमुख केदार प्रसाद गुरागाई, नेफ्स्कूनका सञ्चालक लक्ष्मी सापकोटा र अन्य अतिथिहरुमा विभिन्न सहकारी संस्थाका अध्यक्ष, विभिन्न संघसंस्थाका प्रतिनिधिहरु र नागरिक समाजका प्रतिनिधिहरु साथै सेयर सदस्यहरुको उपस्थिति रहेको थियो । 

कार्यक्रमलाई सम्बोधन गर्दै प्रमुख अतिथि मन्त्री थापाले सहकारीको लगानी उत्पादनशिल क्षेत्रमा जोडिनुपर्ने बताउनुभयो । संस्थाले उत्पादन गरेका वस्तु खरिद विक्रिका लागि बजार व्वस्थापनमा जोडिएर सहकारीका सदस्यहरुलाई आयमुलक व्यवसाय सृजना गर्न सहकारी लाग्नुपर्नेमा उहाँको जोड थियो । 

सुन्दरहरैँचा नगरपालिकाका नगरप्रमुख केदार प्रसाद गुरागाईले सहकारी सामुहिक विकासको घर हो, यसले सामुहिक उत्पादन प्रणालीमा जोड दिएर नेपालले आत्मनिर्भर अर्थतन्त्र विकास गर्न टेवा पुर्याउन सक्ने बताउनुभयो । 

कार्यक्रममा अन्य सहभागी वक्ताहरुले सहकारीको १७औँ वार्षिक उत्सव सफलताको शुभकामना व्यक्त गर्नुभएको थियो ।

कार्यक्रममा उपस्थित जनसमुदायहरुलाई स्वागत मन्तव्यद्वारा स्वागत सम्बोधन संस्थाकी उपाध्यक्ष मञ्जु बस्नेतले गर्नुभएको थियो भने कार्यक्रम सञ्चालन सचिव सीता भट्टराई कडरियाले गर्नुभएको थियो । साकोसका अध्यक्ष उमेश वस्तीले संस्थाका बारेमा संक्षिप्त परिचय गराउनुभएको थियो । कार्यक्रममा ज्येष्ठ नागरिक सम्मान तथा पुरस्कार वितरण साथै विभिन्न शीर्षक अन्तरगत पुरस्कार वितरण तथा सम्मान गरिएको थियो । 

कार्यक्रममा संस्थाको सामाजिक कार्य अन्तर्गत मिलिजुली परिवारलाई १५ थान कुर्सी हस्तान्तरण गरिएको थियो । बार्षिकउत्सव समारोहलाई मनोरजनात्मक बनाउन राष्ट्रिय लोक गायक महेश बुढाथोकीले गीत मार्फत सदस्यहरुलाई भरपुर सांगितीक मनोरञ्जन प्रदान गर्नुभएको थियो । 

२०६३ सालमा स्थापना भई दिगो वित्तीय सेवा र संस्थागत सुशासनलाई मुख्य प्राथमिकतामा राख्दै अगाडि बढेको साकोसमा हाल १ हजार १ सय ३९ महिला सदस्य, ७ सय २ पुरुष सदस्य र २ सय ४४ बाल बचत कर्ता सदस्यहरु आबद्ध छन् ।  कुल सम्पत्ती २५ करोड ९ लाख १४ हजार ८ सय ३८ रहेको संस्थाको शेयर पुँजी ३ करोड १८ लाख ७३ हजार ९ सय पुगेको छ । कुल बचत १७ करोड ६८ लाख ३२ हजार ९६ रुपैंया रहेको सहकारीले सदस्यहरुमा १९ करोड ५६ लाख ९२ हजार ४ सय ४ ऋण लगानी गरेको छ।

ृ