पोखरा । नेपाल बचत तथा ऋण केन्द्रीय सहकारी संघ लिमिटेड (नेफस्कून) ले पोखरा २५, हेम्जा, कास्की गौरीशंकर बचत तथा ऋण सहकारी संस्था लिमिटेडको संघद्धारा सञ्चालित नियमित निरीक्षण अनुगमन (स्क्यान) कार्यक्रम अन्तर्गत राष्ट्रिय स्तरको ब्राण्डिङ कार्यक्रमको रूपमा प्रोवेशन कार्यक्रमको स्थलगत सुपरिवेक्षण असोज ३० गते सम्पन्न भएको छ ।

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो  । संस्थाको स्तरीकरणका लागि  बिभिन्न बिषयहरु जस्तैः बचत, ऋण, ब्याजदर, बार्षिक योजना, सम्पति शद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुली, पुँजी प्रर्याप्तता अनुपात लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो । 

नेफ्स्कून कार्यक्रम अधिकृत मनोज खड्काद्धारा भएको स्थलगत सुपरिवेक्षणमा संस्थाको सुपरिवेक्षण पश्चात संस्थालाई सुधार गर्नुपर्ने बिषयहरुमा सुझाव प्रदान गरी उक्त सुझावहरुमा कार्ययोजना तय गरी कार्यान्वायन गर्ने प्रतिवद्धता संस्थाले गरेको छ ।