मोरगं। नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले नियमित निरीक्षण तथा अनुगमन कार्यक्रम अन्तर्गत गोग्राहा बचत तथा ऋण सहकारी संस्था लिमिटेड, बिराटनगर, मोरगंको  स्थलगत सुपरिवेक्षण मंसिर २१ गते सम्पन्न गरेको छ।

सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ। निरीक्षणमा संस्थाको शेयर, बचत तथा ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, सूचना प्रविधि, सुरक्षण, एम. आई. एस. अद्यावधिक, सम्पत्ति शुद्धिकरण निवारण नीति  र भाखा नाघेका ऋण असुलीकाको शुक्ष्म मूल्यांकन गरिएको थियो।

संघले सहकारी क्षेत्रमा सुशासन, दिगोपन र वित्तीय अनुशासन प्रवर्द्धन गर्ने उद्देश्यका साथ नियमित स्थलगत सुपरिवेक्षण कार्यलाई निरन्तरता दिएको हो । नेफ्स्कूनका तर्फबाट कार्यक्रम अधिकृत मुकेश दाहाल ,संस्थाको तर्फबाट सञ्चालक समितिका अध्यक्ष, पदाधिकारीज्यूहरु , सञ्चालक सदस्य, व्यवस्थापक लगायत उच्च व्यवस्थापन तहका कर्मचारीहरुको सहभागीता रहेको थियो । साकोसका संचालक समितिको आगामि बैठकबाट संघले संचालनमा ल्याएको स्क्यान कार्यक्रममा आबद्ध हुने निर्णय गरि सम्झौता गर्ने प्रतिबद्धता गर्नुएको छ  ।