काठमाडौं । नेपाल वचत तथा ऋण केन्द्रिय सहकारी संघ लि (नेफ्स्कून) ले सहकारीहरुको लागि ल्याएको नियमित निरिक्षण अनुगमन (स्क्यान) कार्यक्रममा चन्द्रागिरी न. पा.  वडा नं ३ काठमाण्डौँ रहेको आयाम बचत तथा ऋण सहकारी संस्था लि. स्क्यान कार्यक्रममा मंसिर २१ गते आबद्ध भएको छ । 

सहकारी ऐन २०७४ को दफा ९९ मा व्यवस्था भए बमोजिम संघद्धारा यो कार्यक्रमको शुरुवात गरिएको हो । यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । 

नेफ्स्कूनको स्क्यान कार्यक्रमले संस्थामा सृजना हुने  वित्तिय जोखिम ,कानुनी जोखिम, सञ्चालन तथा सुशासन जोखिम ,ऋण जोखिम, तरलता जोखिम र बजार जोखिम न्यूनिकरणमा योगदान  गर्नुको साथै सुरक्षित संस्थाको प्रत्याभूती हुनेमा संस्थाका अध्यक्ष राम मान गोपाली आवद्धता संगै  संस्थाको नियमित निरिक्षण अनुगमन कार्य पनि सम्पन्न भएको छ । यस सन्दर्भमा संस्थाका व्यवस्थापक  लेमन श्रेष्ठ  संस्था थप सुरक्षित, संस्थागत सुदृढीकरण र संरक्षणमा रहने बताउनु भयो, साथै अनुगमनमा संघको तर्फबाट सन्दिपराज ढकाल तथा चावहिल सदस्य सेवा कार्यलयका अनुगमन सहजकर्ता लिला अंगाई र संस्थाको तर्फबाट अध्यक्ष व्यवस्थापन प्रमुखको उपस्थिति रहेको थियो ।