काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) ले सहकारी हरुका लागि ल्याएको नियमित निरिक्षण तथा अनुगमन कार्यक्रम (स्क्यान) मा मोरंग स्थित नारीसंकल्प साकोस, शुभकामना महिला जागृती साकोस र गण्डकी साकोस स्क्यान कार्यक्रममा मंसिर २९ गते आबद्ध भएका छन् । 

झापा । उर्लाबारी मोरंग स्थित नारीसंकल्प बचत तथा ऋण सहकारी संस्था लि. का अध्यक्ष गोमा नेपाल र सचिव सोभितमाया तामांगको रोहवर तथा ब्यबस्थापक चित्र न्यौपानेको उपस्थितिमा नेफ्स्कूनको तर्फबाट बरिष्ठ अनुगमन सहजकर्ता सोमनाथ दहाल र बरिष्ठ सहायक गणेश भण्डारीको सहभागितामा सम्झौता कार्यक्रम सम्पन्न भएको थियो।

शुभकामना महिला जागृती बचत तथा ऋण सहकारी संस्थाका उपाध्यक्ष गुना बस्ताकोटी, ब्यवस्थापक जानकी ढुंगाना, नेफ्स्कूनको तर्फबाट कार्यक्रम अधिकृत श्यामराजा तिमल्सिना मकवानपुर सदस्य सेवा कार्यालय ईन्चार्ज ज्योति महत, चितवन सदस्य सेवा कार्यालय अनुगमन सहजकर्ता सुरेन्द्र श्रेष्ठको रोहबरमा प्रथम पक्ष संघको तर्फबाट सदस्य सेवा बिभाग प्रमुख दुर्गा प्रसाद ढकाल र दोस्रो पक्ष साकोसका उपाध्यक्ष गुना बस्ताकोटीको हस्ताक्षरमा सम्झौता सम्पन्न भएको थियो ।

गण्डकी बचत तथा ऋण सहकारी संस्था लि. गैडाकोट २, नवलपुर का ऋण अधिकृत अन्जनराज पन्त नेफ्स्कूनका व्यवसाय अधिकृत यमकला सुवेदीको रोहबरमा साकोसका प्रमुख कार्यकारी अधिकृत रामचन्द्र सुवेदी र नेफ्स्कून सदस्य सेवा विभाग प्रमुख दुर्गा प्रसाद ढकालको हस्ताक्षरमा सम्झौता सम्पन्न भएको थियो । 

स्क्यान नेफ्स्कूनद्वारा सञ्चालित एक नियमित निरीक्षण तथा अनुगमन कार्यक्रम हो । बचत तथा ऋण सहकारी संस्थाहरूको वित्तीय सुशासन, जोखिम व्यवस्थापन र गुणस्तर सुनिश्चितता कायम गरी सदस्यहरूको बचतलाई सुरक्षित र स्वस्थ बनाउने विशिष्ट उद्देश्यका साथ लागू गरिएको हो । नेफ्स्कूनका पूर्ववर्ती स्तरीकरण कार्यक्रमहरू (जस्तैः एक्सेस, प्रोवेसन) को परिमार्जित र एकीकृत स्वरूप हो ।