झापा । नेपाल बचत तथा ऋण केन्द्रीय सहकारी संघ लि. (नेफ्स्कून) सँग विर्तामोड नगरपालिका ५, झापामा रहेको आबद्ध बचत तथा ऋण सहकारी संस्था लि., ले नियमित निरीक्षण तथा अनुगमन कार्यक्रम (स्क्यान) मा पुस १३ गते आबद्धता जनाएको छ ।

बचत तथा ऋण सहकारी संस्थाहरूमा वित्तीय सुशासन कायम गर्ने, जोखिम व्यवस्थापन सुदृढ बनाउने तथा सेवा गुणस्तर सुनिश्चित गर्दै सदस्यहरूको बचतलाई सुरक्षित र स्वस्थ बनाउने उद्देश्यका साथ स्क्यान कार्यक्रम लागू गरिएको हो ।

सहकारी ऐन, २०७४ ले प्रदान गरेको कानुनी आधारअनुसार सम्पन्न सम्झौता मार्फत आबद्ध सहकारी संस्थाहरूले जोखिम व्यवस्थापन, वित्तीय विश्लेषण, सेवा गुणस्तर अभिवृद्धि तथा संस्थागत पृष्ठपोषणलाई प्राथमिक कार्यक्षेत्रका रूपमा अघि बढाउने प्रतिबद्धता जनाएका छन्।

स्क्यान कार्यक्रम अन्तर्गत अब आबद्ध साकोसले नेफ्स्कूनद्वारा स्वीकृत तथा अन्तर्राष्ट्रिय मान्यता प्राप्त प्रणाली मार्फत नियमित सुपरिवेक्षण, वित्तीय सूचकाङ्कको मूल्याङ्कन, आन्तरिक नियन्त्रण परीक्षण तथा सेवा प्रवाहका गुणस्तरीय मापदण्डमा आधारित निरन्तर अनुगमन प्राप्त गर्नेछ । साकोसका अध्यक्ष नन्दमान भट्टराई को रोहबर र व्यवस्थापक पर्वत राज चिमरिया नेफ्स्कूनको तर्फ बाट बरिष्ठ अनुगमन सहजकर्ता सोमनाथ दहाल र अनुगमन सहजकर्ता मिलन कोइरालाको उपस्थितिमा स्क्यान कार्यक्रमको सम्झौता सम्पन्न भएको थियो ।