कास्की । कास्की जिल्लाको पोखरा १९, पुरन्चौर स्थित जनसेवा बचत तथा ऋण सहकारी संस्था लि. ले आफ्ना सदस्यहरुका लागि दुई दिने बचत खेल तालिम आयोजना गरेको छ । तालिम पौष १७–१८ गते सञ्चालन भएको थियो ।

तालिम जर्मन स्पार्कसेन्स्टिफ्टुङ्ग को सहयोग र नेपाल बचत तथा ऋण केन्द्रीय सहकारी संघ (नेफ्स्कून) को प्राविधिक सहजीकरणमा सम्पन्न भएको थियो । ३० जना सेयर सदस्य सहभागी भएको तालिममा सदस्यहरुलाई वित्तीय साक्षरता, पारिवारिक बजेट, बचत व्यवहार, वित्तीय योजना र समूह गतिशीलता सम्बन्धी व्यावहारिक ज्ञान दिन केन्द्रित थियो साथै आगामी दिनमा पारिवारिक बजेट निर्माण गरि तालिमबाट सिकेका कुरा व्यवहारमा लागू गर्ने प्रतिवद्धता व्यक्त गर्दै खेलबाट आफ्नो आवश्यकता र चाहनाको पहिचान गर्ने र मितव्ययी रुपमा खर्च व्यवस्थापन गरि बचत बृद्धि र पारिवरिक लक्ष्य प्राप्ति तथा जीवनको गुणस्तर बृद्धि गर्ने बचत खेलबाट मुख्य सिकाई भएको सहभागीहरुले व्यक्त गर्नु भएको थियो ।

तालिम नेफ्स्कूनका व्यवसाय अधिकृत बिदुर खड्का र रविन्द्र श्रेष्ठ ले प्रशिक्षकका रूपमा सहजिकरण गर्नुभएको थियो । तालिमको समापन साकोसका उपाध्यक्ष विष्णु प्रसाद अधिकारी को अध्यक्षतामा भएको थियो भने समापन कार्यक्रम सचिव दान बहादुर भुजेल ले सञ्चालन गर्नुभएको थियो ।