मकवानपुर । नेपाल बचत तथा ऋण केन्द्रयि सहकारी संघ लि. (नेफ्स्कून) बाट सहयात्री बचत तथा ऋण सहकारी संस्था लि.  बकैया २ हात्ती सुढे मकवानपुरको स्क्यान कार्यक्रम अन्तर्गत पहिलो स्थलगत सुपरिवेक्षण  पौष २१ गते सम्पन्न भएको छ । 

संस्थाको वित्तीय स्वस्थताको परीक्षण, नीति निर्माण र कार्यान्वयनको अवस्था, नियामकीय व्यवस्थाको परिपालना र सुशासन व्यवस्थापनका आधारभूत पक्षहरुको सुपरिवेक्षण सम्पन्न गरिएको थियो । 

संस्थाको व्यवस्थापक पुष्पराज गौतमले नेफ्स्कूनको कर्वस कार्यक्रममा आवद्ध हुँदै स्क्यान कार्यक्रमको नियमित सुपरिवेक्षणबाट संस्थाको वित्तीय स्वस्थता विकास गर्न, जोखिम न्यूनीकरण गर्न, आन्तरिक सुदृढीकरण र व्यवसायिकता सहयोगका लागि कार्यक्रममा आवद्ध भएको बताउनुभयको थियो  ।

स्थलगत सुपरिवेक्षणका क्रममा संस्थाका अध्यक्ष रामेश्वर लामिछानेले  यस कार्यक्रमबाट संस्थाको सुशासन कायम गर्न सदस्यहरुको विश्वास तथा संरक्षणमा सहयोग पुगेको तथा निरन्तर मार्गदर्शनको अपेक्षा गरेको बताउनुभयो । नेफ्स्कूनको नियमित सुपरिवेक्षणबाट  प्राप्त सुझाव कार्यन्वयन गर्दै संस्थाको निरन्तर विकासमा साकोसको सञ्चालक र व्यवस्थापन सदैव सक्रिय रहने बताउनु भयो । स्क्यान कार्यक्रमको स्थलगत सुपरिवेक्षण कार्यक्रम अधिकृत सोविता मैनालीले गर्नु भएको थियो ।