धनगढी । नेपाल बचत तथा ऋण केन्द्रीय सहकारी संघ लि. (नेफ्स्कून) कैलाली सदस्य सेवा कार्यालयको आयोजनामा राष्ट्रिय सहकारी नियमन प्राधिकरणमा दर्ता तथा अभिलेखीकरण  कार्यक्रम  माघ ४ गते सम्पन्न भएको छ ।  

कार्यक्रममा सुदुरपश्चिम प्रदेशका विभिन्न जिल्लाका ३७ वटा  साकोसबाट ४२ जनाको सहभागिता रहेको थियो । सहकारी संस्थाहरूलाई राष्ट्रिय सहकारी नियमन प्राधिकरणमा दर्ता तथा अभिलेखीकरण प्रक्रिया सम्बन्धी आवश्यक जानकारी प्रदान गरिएको थियो ।

दर्ता प्रक्रियाको महत्व, दर्ता प्रक्रियाको लागी आवश्यक कागजात र अभिलेखीकरण गर्दा ध्यान दिनुपर्ने विषयहरूबारे प्रयोगात्मक प्रशिक्षण दिईएको थियो ।

कार्यक्रमको समापन समारोहमा नेफ्स्कून सञ्चालक दिप्ती शाहीले सहकारी संस्थाहरूलाई राष्ट्रिय सहकारी नियमन प्राधिकरणमा दर्ता तथा अभिलेखिकरण गर्नको लागी सहजता हुनुको साथै नियमनको दायराभित्र ल्याउन र सहकारी क्षेत्रलाई सुदृढ बनाउन यो कार्यक्रमले महत्वपूर्ण योगदान पुर्याउने अपेक्षा गर्नुभएको थियो । उक्त कार्यक्रमको सहजिकरण नेफ्स्कून कैलाली सदस्य सेवा कार्यालयका ईन्चार्ज पवन जंग मल्लले गर्नुभएको थियो भने व्यवस्थापन कञ्चनपुर सेवा केन्द्रका इन्चार्ज धर्मराज जोशीले गर्नुभएको थियो ।