पोखरा । कास्की स्थित सार्दिखोला बचत तथा ऋण सहकारी संस्था लि र रिठेपानी बचत तथा ऋण सहकारी संस्था लि. को नेपाल बचत तथा ऋण केन्द्रीय सहकारी संघ लि (नेफस्कून) बाट गैह्रस्थलगत सुपरिवेक्षण माघ ११ गते सम्पन्न भएको छ । 

भर्चुअल रुपमा सम्पन्न गरिएको गैह्रस्थलगत सुपरिवेक्षणमा नियामकीय अनुकूलनका विषयहरु, सफ्टवेयरमा के. वाइ. एम. अद्यावधिक अवस्था जाँच एवम् स्क्यानका २५ वटा सूचकहरुमा संस्थाको अवस्था स्तरको बारेमा छलफल भएको थियो । 

२०८२ श्रावणदेखि हालसम्मको नियामकीय प्रावधानहरु पुरा भए नभएको, राष्ट्रिय सहकारी नियमन प्राधिकरणमा दर्ता अभिलेखीकरण, नियमित रिपोर्टिङ, सफ्टवेयरमा अद्यावधिक हुनुपर्ने विषयहरु एवम् कर्जा सूचना केन्द्रमा दर्ताको लागि पुरा गर्नुपर्ने प्रावधानहरुको बारेमा समेत छलफल भएको थियो । 

संघका बरिष्ठ सहायक प्रेमनाथ वाग्लेद्धारा भएको सुपरिवेक्षणमा संस्थाले यस छलफल पश्चात तय भएको कार्ययोजनालाई कार्यान्वयन गर्दै जाने र पुनः ३ महिनाभित्रमा लक्ष्य एवम् कार्यप्रगति समिक्षा गर्ने योजना रहेको छ ।