सुनसरी । महिला बचत तथा ऋण सहकारी संस्था लिमिटेड इटहरी, सुनसरीले संस्थाको सामाजिक उत्तरदायित्व अन्तर्गत वार्षिक रुपमा आयोजना गर्दै आएको रक्तदान कार्यक्रम यस वर्ष माघ २८ गते सम्पन्न गरेको छ ।

नेपाल रेडक्रस सोसाइटी, धरानको प्राबिधिक सहयोग तथा महिला साकोसका अध्यक्ष मुना प्रसाई तिमल्सिनाको अध्यक्षतामा  सम्पन्न कार्यक्रममा संस्थाको सञ्चालक समिति, लेखा सुपरिवेक्षण समिति, अन्य उपसमिती, शेयर सदस्य, रक्तदाता, सरोकारवाला, शुभचिन्तक तथा कर्मचारीहरुको सहभागिता रहेको थियो ।

इटहरी उपमहानगरपालिकाको कार्यालय अगाडि आयोजित कार्यक्रममा करिब १५० जनाको उपस्थिती रहेको थियो । ६२ जनाले स्वेच्छिक रक्तदान गरी मानव जीवन बचाउने पुण्य कर्ममा योगदान गरेका थिए ।  सामाजिक सेवाप्रति प्रतिबद्ध रहँदै महिला साकोसले आगामी दिनहरुमा पनि यस्ता जनहितका कार्यक्रमहरुलाई निरन्तरता दिने जनाएको छ ।