पाल्पा । नेफ्स्कूनले पाल्पा रामपुर स्थित अन्धकारमुक्ति र रामपुर साकोसमा व्यवसाय विकास सेवा (बिडिएस) कार्यक्रम सञ्चालन सम्बन्धी अभिमुखिकरण फागुन ०८ गते सम्पन्न गरेको छ ।  

व्यवसाय विकास सेवा कार्यक्रम व्यवसायिक परामर्श, वित्तीय पहुँच र बजार सञ्जालमा बाट  सहकारी सदस्यहरुलाई दिगो र सफल उद्यमी बनाउने कार्यक्रम हो । बिडिएस कार्यक्रम मार्फत उत्पादन देखि उपभोक्ता वा सेवा देखि ग्राहक सम्मको सम्पूर्ण प्रक्रियामा प्राविधिक तथा समान्वयात्मक भूमिकामा सहयोग गर्नु यस कार्यक्रमको उद्देश्य हो ।

आजको उद्यमी दश वर्ष पछी उद्योगी हुने यात्रामा सहजीकरण गर्ने छ । साथै एक उद्यमी बीस वर्षमा उद्योगपती वन्ने अनुकरणीय अभ्यासका लागि व्यवसाय विकास सेवा कार्यक्रमले निरन्तर प्राविधिक सहयोग गरी सदस्यहरूमा धन सिर्जना गर्ने र सदस्यहरूको जीवनमा रूपान्तरण ल्याउने कार्य गर्नेछ । 

संघले व्यवसाय विकास सेवा डेक्समार्फत सम्भाव्य उद्यमीलाई कुशल उद्यमी वनाउने सँस्कारमा निरन्तर मेन्टोरिङ र कोचिङ गरिरहेको छ । यस डेक्सले व्यावसायको पूर्ण समाधानको विषयमा निरन्तर परामर्श सेवा र समन्वय गर्ने कार्य गरिरहेको छ । यस व्यवसाय विकास सेवा कार्यक्रमले कृषि, पर्यटन, सेवा, निर्माण तथा डिजिटल सवै प्रकारका उद्यमहरूलाई प्रविधि, पूँजि र वजारमा प्राविधिक सहयोग तथा निरन्तर सहयोग गर्नेछ । 

साकोसले यस अभ्यासमार्फत तीन वर्षमा सदस्यलाई उद्यमशिल वनाउने र दश वर्षमा उद्यमशिलताको सँस्कार अध्यायमा निरन्तर सहयोग, सहकार्य र हातेमालोको एक अनुकरणीय व्यवस्थापन गर्नेछ । साकोसको तर्फबाट सञ्चालक, व्यवस्थापन सहभागी रहेको अभिमुखिकरण कार्यक्रमको सहजिकरण नेफ्स्कूनका वरिष्ठ अधिकृत कोमल राज अधिकारीले गर्नुभएको थियो ।