पाल्पा । नेफ्स्कूनले पाल्पा रामपुर न.पा.०१, भलाटार स्थित ग्रामिण विकास बचत तथा ऋण सहकारी संस्था लिमिटेडसंग स्क्यान कार्यक्रममा कार्यक्रम सञ्चालनका लागि स्क्यान सम्झौता फागुन ०८, गते भएको छ । 

वित्तीय सहकारी संस्थाको सदस्यको बचतको सुरक्षा, वित्तीय क्षेत्रमा जोखिम पूर्ण रूपमा हटाउन नसकिने भए पनि प्रभावकारी व्यवस्थापन, सहकारी संस्थाको गुणस्तरीय सञ्चालन यसको प्रणाली, सदस्यप्रतिको उत्तरदायित्व, व्यवहार र संस्थागत संस्कृति विकास गर्ने उद्देश्य रहेको छ । 

साकोसको सञ्चालक समिति, लेखा सुपरिवेक्षण समिति र कर्मचारीहरुलाई नेफ्स्कूनमा आबद्धताको लागि र स्क्यान कार्यक्रमको विषयमा नेफ्स्कून बरिष्ठ अधिकृत कोमल राज अधिकारीले अभिमुखिकरण गर्नुभएको थियो । 

अभिमुखिकरण कार्यक्रममा वोल्दै संस्थाका अध्यक्ष पूर्ण बहादुर खाँणले नेफ्स्कूनको आबद्धता र संस्था स्क्यान कार्यक्रममा सहभागिता पश्चात संस्थागत विकास, र जोखिम व्यवस्थापनमा सहजिकरण भई संस्थाले गति लिने कुरा बताउनु भएको थियो । 

परिवर्तित नियामकीय परिवेशमा सदस्य संस्थाहरूलाई नियामकीय रूपमा अनुकूल बनाउँदै जोखिम मापन, विश्लेषण र पृष्ठपोषण मार्फत वित्तीय सहकारीको विश्वसनीयता अभिवृद्धि गर्न संघले  स्क्यान कार्यक्रम सञ्चालनमा ल्याएको हो ।