चावाहिल । नेपाल बचत तथा ऋण केन्द्रीय सहकारी संघ लि. (नेफ्स्कून) चावहिल सदस्य सेवा कार्यालयको आयोजनामा व्यवसाय प्रवर्द्धन अन्तरकृया कार्यक्रम चैत्र ०९ गते सम्पन्न भएको छ  ।

सहकारीमा देखिएका समस्याले हाल संस्था सञ्चालनमा पर्न गएको वित्तीय समस्या निराकरणका लागि यस क्षेत्रभित्र सञ्चालित साकोसहरुको बित्तीय स्थीति तथा सुशासनमा एकरुपता ल्याई मजबुत बनाउनका लागि अन्तरक्रृया कार्यक्रम तय गरिएको थियो । सो कार्यक्रममा  तरलता ब्यवस्थापनमा संघको भूमिका, सन्दर्भ ब्याजदर तथा कायम ब्याजदरले देखिएको संस्थाबिचको प्रतिस्पर्धा, ऋण लगानी पुर्व अपनाउनुपर्ने उपायहरु, लगानीका असल अभ्यासहरू, संस्थाका आन्तरिक कार्यविधिहरु, बचत तथा ऋण सेवाको वर्गीकरण र नियामक निकायको भूमिका विषयमा संस्थाको अभ्यास र अनुभव आदनप्रदान तथा संघको धारणाको विषयमा छलफल भएको थियो ।

कार्यक्रममा मेधावी साकोस, कार्लोश साकोस, बिमर्श साकोस, नवरस साकोस, गुडवील साकोस, तीर्थ साकोस, सिन्धु काठमाण्डौ साकोस, उज्यालो सम्पद साकोस, सर्वोत्थान साकोस, नेटिभ साकोस, शुभलक्ष्य साकोस, नवसृजनशील साकोस, अग्रसर साकोस र सर्वोच्च विकास साकोसबाट साकोसका सञ्चालक र व्यवस्थापन प्रमुख गरि १४ जनाको सहभागीता रहेको थियो । संघका कार्यक्रम अधिकृत दिपक अर्यालले स्क्यान कार्यक्रमको आवश्यकता र महत्वको विषयमा प्रष्ट पार्नुभएको थियो भने सञ्चालन र सहजीकरण चावहिल सदस्य सेवा कार्यलय प्रमुख खिलनाथ लुइटेलले गर्नुभएको थियो । कार्यक्रममा चावहिल सदस्य सेवा कार्यालय व्यवस्थापन उपसमितिका सदस्यहरु तपन पोखरेल र नवीन नेपालको पनि सहभागिता रहेको थियो ।