धनगढी । नेफ्स्कून धनगढी कैलाली सदस्य सेवा कार्यालयको आयोजना सहकारीता अनुशिक्षण तथा स्क्यान अभिमुखीकरण कार्यक्रम चैत्र ११ गते सम्पन्न भएको छ । 

नेपाल बचत तथा ऋण केन्द्रीय सहकारी संघ लि. (नेफ्स्कून) का अध्यक्ष चन्द्र प्रसाद ढकालको अध्यक्षतामा शुरु भएको कार्यक्रमको सन्चालन व्यवसाय अधिकृत पवनजंग मल्लले गर्नु भएको थियो कार्यक्रममा कैलाली र कन्चनपुर  गरि  ४० वटा साकोसका सञ्चालक र व्यवस्थापन प्रमुख गरि ६३ जनाको सहभागीता रहेको थियो ।

नेफ्स्कूनका वरिष्ठ अधिकृत कोमल राज अधिकारीले सहकारीता, स्क्यान कार्यक्रम तथा राष्ट्रिय सहकारी नियमन प्राधिकरण सम्बन्धी विषयमा विस्तृत प्रस्तुतिकरण दिनुभएको थियो साथै उक्त कार्यक्रम व्यवस्थापन कैलालि, सदस्य सेवा कार्यालयका कर्मचारी धर्मराज जोसि र पुष्पराज तिमिल्सैनाले गर्नुभएको थियो ।

नेफ्स्कूनका अध्यक्ष चन्द्र प्रसाद ढकालले कार्यक्रममा सम्बोधन र सहभागिहरुबाट छलफलमा उठाइएका विषयवस्तुहरुको सम्बोधन सहित  साकोस अभियानलाई मार्गदर्शन प्रदान गर्नुभयो । नेफ्स्कूनका वरिष्ठ अधिकृत कोमल राज अधिकारीले कार्यक्रमको समापन गर्नुभएको थियो ।