कपिवस्तु । सुनवल सामुदायीक बचत तथा ऋण सहकारी संस्था लि.को आयोजना र नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहजीकरणमा चैत्र २० र २१ गते कपिवस्तुको लुम्बिनीमा साकोसका सञ्चालक समिति र कर्मचारीको क्षमता विकास तालिम सम्पन्न भएको छ । 

दुई दिनसम्म चलेको तालिममा सञ्चालक समिति, लेखा सुपरिवेक्षण समिति, उपसमिति र व्यवस्थापन गरी जम्मा २५ जनाको सहभागीता रहेको तालिमको उद्घाटन तथा समापन समारोहको अध्यक्षता संस्थाका अध्यक्ष गोविन्द प्रसाद ढकालले गर्नुभएको थियो भने स्वागत मन्तव्य संस्थाका उपाध्यक्ष शुसिला ढकालले गर्नुभएको थियो । 

उद्घाटन कार्यक्रममा संस्थाका सञ्चालक एवम् शिक्षा उपसमिति संयोजक बसन्त कुमार महतोले कार्यक्रमको उद्देश्य बारेमा प्रकाश पार्नुभएको थियो ।  नेफ्स्कूनका बरिष्ठ अधिकृत कोमल राज अधिकारीले सहकारीको अवधारणा, मुल्य मान्यता र सिद्धान्तहरुको व्यवहारिक प्रयोग संस्थामा समिति र व्यवस्थापनको भुमिका, ऋण व्यवस्थापन तथा विश्लेषण विधि, पूँजी पर्याप्तता विश्लेषण, पल्र्स अनुपात विश्लेषण र वर्तमान कानुनको विषयमा सहजिकरण गर्नुभएको थियो ।

सहकारी क्षेत्रको दिगो विकास र व्यवसायीकरणका लागि संस्थाको सञ्चालक तथा कर्मचारीहरुको क्षमता अत्यन्तै महत्वपूर्ण भएको र सहकारीका सञ्चालकहरूले जोखिम व्यवस्थापन, वित्तीय पारदर्शिता र सदस्यहरूको हितमूलक नेतृत्व क्षमता हासिल गर्नुपर्ने आवश्यकतामा जोड दिदैँ आफ्ना सहकारी संस्थाका सदस्यहरूको आर्थिक सशक्तिकरण र सामुदायिक विकासको केन्द्रबिन्दुमा सञ्चालकहरूको भूमिका अझ प्रभावकारी बनाउन तालिमको आयोजना भएको हो । 

तालिमले आवश्यक ज्ञान, सिप र दक्षता प्रदान गर्ने सञ्चालकहरूले नैतिकताको उच्च मापदण्ड कायम राख्दै, सदस्यहरूको विश्वास र समुदायको आकांक्षालाई केन्द्रमा राखेर नेतृत्व गर्नुपर्ने हुन्छ । सहकारी संस्थाको सफलताको आधार सदस्यहरूको सन्तुष्टि र विश्वास रहेको छ । सञ्चालकहरूले प्रत्येक निर्णय गर्दा सदस्यहरूको आवश्यकता र सन्तुष्टिलाई राख्नुपर्छ । साथै गोपनीयताको सिद्धान्त अत्यन्त महत्वपूर्ण रहेको र सदस्यहरूको वित्तीय कारोवार, व्यक्तिगत जानकारीहरू र संस्थागत गोपनीयता कायम गर्नु सञ्चालकहरूको नैतिक जिम्मेवारी हो ।  तालिममा सहभागिहरुले तालिमको सिकाई र अनुभव राख्दै तालिम व्यवहारिक भएको, आफुले अपेक्षा गरेको भन्दा बढीनै ज्ञान तथा सिप तालिमबाट प्राप्त गरेको र तालिममा सिकेको कुरा कार्यान्वयन गर्ने प्रतिवद्धता जनाउनुभएको थियो ।