झापा । नेफ्स्कून झापा सदस्य सेवा कार्यालयको आयोजनामा दुई दिवसीय ऋण असुली तथा धितो लिलामी आन्तरिक कार्यविधि निर्माण कार्यशाला चैत्र २६ गते सम्पन्न भएको छ । 

संघका बरिष्ठ अधिकृत भरत प्रसाद न्यौपानेले कार्यशालाको सहजीकरण गर्दै सहकारीमा ऋण असुली तथा धितो लिलामीको प्रकृया सम्बन्धी  कार्यविधि निर्माण कार्यशाला अत्यन्त महत्वपूर्ण रहेको हुँदा तालिमबाट पर्याप्त ज्ञान लिन र व्यवहारमा कार्यान्वयनमा ल्याउन सहभागीहरुलाई अनुरोध गर्नुभएको थियो । भने सञ्चालन झापा सदस्य सेवा कार्यालयका इन्चार्ज पवन घिमिरेले गर्नु भएको थियो । इलाम, झापा र मोरङका साकोसहरूबाट ३६ जना साकोसकर्मीहरूको सहभागिता रहेको थियो । 

वित्तीय अनुशासन कायम राख्न तथा संस्थामा बढ्दो खराब कर्जा न्यूनीकरण गर्न ऋण असुली प्रक्रिया महत्वपूर्ण रहेको छ । यस कार्यशालाले सहभागीहरूलाई विद्यमान कानूनी व्यवस्था, प्रक्रिया र व्यवहारिक पक्षबारे स्पष्ट ज्ञान प्रदान गरी कानून सम्मत ढंगले ऋण असुली गर्न सहयोग पु¥याउने अपेक्षा गरिएको छ । साथै, अनावश्यक कानूनी विवाद घटाउन र संस्थागत जोखिम व्यवस्थापन सुदृढ गर्न कार्यशाला उपयोगी हुने विश्वास लिइएको छ ।

कार्यशालाको मुख्य उद्देश्य ऋण असुली सम्बन्धी कानूनी ज्ञान अभिवृद्धि गर्न सही प्रक्रिया अपनाएर ऋण असुली गर्ने क्षमता विकास गर्नु तथा धितो लिलामी र कानूनी कारबाहीलाई प्रभावकारी, पारदर्शी र न्यायसंगत बनाउनु रहेको छ । यस्ता कार्यशालाहरू सञ्चालन हुँदै आएका छन र आगामी दिनमा पनि निरन्तर सञ्चालन भइरहने छन ।  जसले सहकारी तथा वित्तीय क्षेत्रलाई थप सुदृढ बनाउन महत्वपूर्ण भूमिका खेल्नेछ ।

कार्यशाला फलदायी एबं कार्यबिधी निर्माणमा सहजता प्रदान गर्न सकिने भएको सहभागीहरूको राय थियो । विर्तामोड कार्यालयद्वारा व्यवस्थापन गरिएको उक्त कार्यक्रममा सहभागीहरूलाई सहजकर्ताद्वारा प्रमाणपत्र वितरण गरी कार्यशाला समापन भएको थियो  ।