पोखरा । पोखरा स्थित मुनाल बचत तथा ऋण सहकारी संस्था लि. नेफ्स्कूनको स्क्यान कार्यक्रममा आबद्ध भएको छ । 

संस्थाको बैठक चैत्र ३० गते (आज) सम्पन्न भएसंगै स्क्यान कार्यक्रमको सम्झौता भएको हो । स्क्यान कार्यक्रमले सहकारी क्षेत्रमा सुशासन, दिगोपन र वित्तीय अनुशासन प्रवद्र्धन गर्ने उद्देश्यका साथ स्थलगत सुपरिवेक्षण गर्नेछ । र हाल ८०० भन्दा बढी साकोसहरु स्क्यानमा आबद्ध भइसकेका छन । 

कार्यक्रममा उपाध्यक्ष, सचिव, कोषाध्यक्ष तथा अन्य कार्यसमिति सदस्यहरूको उपस्थिति रहेको थियो।

बैठकमा संस्थाको वर्तमान गतिविधि तथा आगामी योजनाबारे छलफल गरिएको थियो। नेपाल बचत तथा ऋण सहकारी संघद्धारा सञ्चालित स्क्यान कार्यक्रममा आवद्धता विषयमा प्रस्ताव प्रस्तुत गरिएको थियो । उक्त प्रस्तावमाथि व्यापक छलफल गरी सर्वसम्मत रूपमा पारित भएपश्चात स्क्यान कार्यक्रममा सम्झौता गरेको हो । संघका पोखरा सदस्य सेवा कार्यालय प्रमुख सुरज चालिसे र कार्यक्रम अधिकृत मनोज खड्काको उपस्थिति रहेको थियो ।

कार्यक्रममा व्यवस्थापक तथा अन्य पदाधिकारीहरूको पनि सहभागिता रहेको थियो। बैठकले संस्थाको विकास र सदस्यहरूको हितका लागि विभिन्न योजना अघि बढाउने प्रतिबद्धता व्यक्त गरेको छ।