पाल्पा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी क्षेत्रमा सुशासन, दिगोपन तथा वित्तीय अनुशासन प्रवर्द्धन गर्ने उद्देश्यसहित नियमित रूपमा सञ्चालन गर्दै आएको स्क्यान कार्यक्रममा पाल्पा स्थित रामपुर बचत तथा ऋण सहकारी संस्था लिमिटेड बैशाख २३ गते आबद्द भएको छ।

संस्थाको स्तरीकरणका लागि आवश्यक विभिन्न सूचकहरूः आन्तरिक कार्यविधि अध्यावधिक, सदस्यमैत्री उत्पादनका सेवाहरु, आवधिक योजना, सम्पत्ति शुद्धिकरण निवारण कार्यविधि, नियामक निकायका निर्देशनहरूको पालना, भाखा नाघेका ऋणको असुली, पूँजी प्रर्याप्तता अनुपात, सुचना प्रविधि व्यवस्थापन लगायतका विषयमा विस्तृत मूल्याङ्कन गरिएको थियो । साकोसको कानुनी जोखिम, वित्तीय जोखिम, ऋण जोखिम, तरलता जोखिम, सञ्चालन तथा सुशासन सम्बन्धी जोखिम, प्रविधि जोखिमहरूमा केन्द्रित रही संस्थाको समग्र जोखिम न्यूनीकरणका लागि व्यवहारिक सुधारात्मक सुझावहरू प्रदान गरिने नेफ्स्कूनका कार्यक्रम अधिकृत प्रबिण अधिकारीले सम्झौताका क्रममा बताउनुभयो । 

साकोसका सञ्चालक समिति अध्यक्ष गुरु प्रसाद रेग्मी,उपाध्यक्ष बाबुराम श्रेष्ठ,सचिब किर्तीनाथ श्रेष्ठ, कोषाध्यक्ष बन्दना पोखरेल लगायत सञ्चालक समिति सदस्य,कार्यदल तथा व्यवस्थापनको सहभागिता रहेको थियो।