नेपाल बचत तथा ऋण केन्द्रीय सहकारी संघ लि. (नेफ्स्कून) द्वारा आयाम बचत तथा ऋण सहकारी संस्था लि.को स्क्यान अन्तर्गत नियमित निरीक्षण तथा प्रोभिजन स्थलगत सुपरिवेक्षण वैशाख २३ गते सम्पन्न भएको छ ।

स्थलगत सुपरिवेक्षणका क्रममा संस्थाको कानुनी जोखिम, वित्तीय जोखिम, बजार जोखिम तथा सुशासन जोखिम सम्बन्धी विषयमा सुपरिवेक्षण गरिएको थियो । संस्थाका व्यवस्थापक लेमन श्रेष्ठले नेफ्स्कूनले हालका नियामकीय परिवर्तनलाई समेत सूचकका रूपमा समावेश गरी स्क्यान कार्यक्रम सञ्चालन गरेकोमा खुशी  व्यक्त गर्नुभयो । उहाँले नेफ्स्कूनको स्तरीकरण कार्यक्रमअन्तर्गत हुने नियमित सुपरिवेक्षणले संस्थाको वित्तीय स्वास्थ्य सुधार, जोखिम न्यूनीकरण, आन्तरिक सुदृढीकरण तथा व्यवसायिकता विकासमा सहयोग पुग्ने बताउनुभयो ।

संस्थाका सञ्चालक समिति पदाधिकारी, सदस्य तथा व्यवस्थापनको सहभागितामा सम्पन्न कार्यक्रममा संस्थाका अध्यक्ष राममान गोपालीले यस कार्यक्रमले वित्तीय सूचक सुधार, नियामकीय व्यवस्था अद्यावधिक, सुशासन प्रवद्र्धन तथा सदस्यहरूको विश्वास र संरक्षणमा सकारात्मक योगदान पु¥याएको बताउनुभयो । उहाँले आगामी दिनमा पनि निरन्तर मार्गदर्शनको अपेक्षा रहेको उल्लेख गर्नुभयो । संघको नियमित सुपरिवेक्षणबाट संस्थाको निरन्तर विकासमा साकोसको सञ्चालक समिति तथा व्यवस्थापन सदैव सक्रिय रहने प्रतिबद्धता व्यक्त गरिएको थियो । स्थलगत सुपरिवेक्षण नेफ्स्कूनका कार्यक्रम अधिकृत सोविता मैनालीले गर्नुभएको थियो ।