काठमाडौं । नेफ्स्कून सदस्य सेवा कार्यालय चावहिल अन्तर्गत सञ्चालनमा रहेको जय अजिमा बचत तथा ऋण सहकारी संस्था लि. नेफ्स्कूनद्धारा सञ्चालित नियमित निरीक्षण तथा अनुगमन कार्यक्रम (स्क्यान) मा वैशाख २४ गते आबद्ध भएको छ । 

संस्थाको आन्तरिक तथा बाह्य जोखिम व्यवस्थापनलाई सुदृढ बनाउने, सदस्य संरक्षण तथा हेरचाहलाई प्रभावकारी बनाउने तथा नियामकीय व्यवस्थामा भएका परिवर्तनअनुसार संस्थागत प्रणाली तथा कार्यविधिहरू अद्यावधिक गर्ने उद्देश्यले संस्था स्क्यान कार्यक्रममा आबद्ध भएको हो ।

नेफ्स्कूनद्वारा सदस्य संस्थाहरूको आन्तरिक तथा बाह्य जोखिम न्यूनीकरणमा सहयोग पुर्‍याउने, सुशासन प्रवर्द्धन गर्ने तथा सुरक्षित र व्यवसायिक संस्था निर्माणमा सहयोग गर्ने उद्देश्यले नियमित निरीक्षण तथा अनुगमन ९स्क्यान० कार्यक्रम सञ्चालन हुँदै आएको छ । यसै कार्यक्रम अन्तर्गत सुपरिवेक्षणका साथै पूर्ण तथा व्यवसायिक साकोस विकास कार्यक्रम (प्रोवेसन) मा आबद्धताका लागि नेफ्स्कून र जय अजिमा साकोसबिच सम्झौता सम्पन्न भएको हो । 

कार्यक्रममा संस्थाका व्यवस्थापक पुरुषोत्तम कुमार थापाले स्क्यानका सूचकहरूका आधारमा नियामकीय प्रतिवेदन, कानुनी जोखिम, वित्तीय जोखिम, बजार जोखिम तथा सुशासन जोखिमका क्षेत्रमा आवश्यक सुपरिवेक्षण हुने बताउनुभयो । प्रोवेसन कार्यक्रम अन्तर्गत रहेका ५० सूचकमा सुधारका अभ्यासमार्फत संस्थाको व्यवसायिकता तथा स्तरवृद्धिमा महत्वपूर्ण सहयोग पुग्ने अपेक्षा व्यक्त गर्नुभयो ।

त्यसैगरी, संस्थाका सचिव गणेश श्रेष्ठ र  अध्यक्ष सुनिल कुमार कर्माचार्यले स्तरीकरण कार्यक्रममा आबद्ध भई संस्थाको सुशासन कायम गर्न, वित्तीय सूचक सुधार गर्न, नियामकीय व्यवस्थाअनुसार आन्तरिक कार्यविधिहरू अद्यावधिक गर्न तथा नवीनतम अभ्यासहरू कार्यान्वयन गर्न सहयोग पुग्ने विश्वास व्यक्त गर्नुभयो । साथै सदस्यहरूको विश्वास अभिवृद्धि र संरक्षणका लागि संघबाट निरन्तर मार्गदर्शन प्राप्त हुने अपेक्षा रहेको बताउनुभयो ।

स्क्यान सम्झौतामा नेफ्स्कूनका कार्यक्रम अधिकृत सोविता मैनाली र दीपक अर्याल तथा संस्थाका व्यवस्थापक पुरुषोत्तम कुमार थापा, सचिव गणेश श्रेष्ठ लगायत व्यवस्थापन कर्मचारीहरूको उपस्थितिमा सम्झौता भएको थियो । 

सम्झौतामा नेफ्स्कूनका सहायक कार्यकारी अधिकृत दुर्गा प्रसाद ढकाल तथा संस्थाका अध्यक्ष सुनिल कुमार कर्माचार्यले हस्ताक्षर गर्नुभएको थियो ।