पाल्पा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी क्षेत्रमा सुशासन, दिगोपन तथा वित्तीय अनुशासन प्रवर्द्धन गर्ने उद्देश्यले सञ्चालन गर्दै आएको स्क्यान कार्यक्रममा पाल्पा स्थित अन्धकारमुक्ति बचत तथा ऋण सहकारी संस्था लिमिटेड वैशाख २५ गते आबद्ध भएको छ। सोही अवसरमा संस्थाको स्थलगत सुपरिवेक्षण समेत सम्पन्न गरिएको छ।

संघले सदस्य संस्थाहरूको आन्तरिक तथा बाह्य जोखिम न्यूनीकरण, सुशासन प्रवर्द्धन तथा सुरक्षित एवं व्यवसायिक संस्था निर्माणमा सहयोग पुर्‍याउने उद्देश्यले नियमित निरीक्षण तथा अनुगमन (स्क्यान) कार्यक्रम सञ्चालन गर्दै आएको हो । यसै कार्यक्रम अन्तर्गत अन्धकारमुक्ति साकोसलाई स्क्यान कार्यक्रम अन्तरगत पूर्ण तथा व्यवसायिक साकोस विकास कार्यक्रम (प्रोवेसन) मा आबद्ध गराउने सम्बन्धमा नेफ्स्कून र संस्थाबीच सम्झौता समेत सम्पन्न भएको छ।

नेफ्स्कूनका कार्यक्रम अधिकृत प्रबिण अधिकारीद्धारा गरिएको सुपरिवेक्षण कार्यक्रममा संस्थाका अध्यक्ष खगेन्द्र प्रसाद न्यौपाने प्रोबेशन कार्यदल संयोजक सुरेश आचार्य, सदस्यहरू मधुसुदन आचार्य, तिलक बहादुर श्रेष्ठ तथा दिपेन्द्रप्रसाद पौडेल लगायत उच्च व्यवस्थापनको सहभागिता रहेको थियो।