कास्की । पोखरा महानगरपालिका वडा नं. १९, स्थित क्षत्रशक्ति बचत तथा ऋण सहकारी संस्था लिमिटेडमा नेफ्स्कूनले नियमित निरीक्षण तथा अनुगमन (स्क्यान) कार्यक्रम अन्तर्गतको स्थलगत सुपरिवेक्षण जेठ १२ गते सम्पन्न गरेको छ । 

सहकारी संस्थाहरूमा पारदर्शिता, उत्तरदायित्व, सदस्य हितको सुनिश्चितता, जोखिम न्यूनीकरण, सुशासन तथा दिगोपना अभिवृद्धि गर्ने उद्देश्यका साथ नेफ्स्कूनले  स्थलगत अनुगमनलाई प्रभावकारी रूपमा अगाडि बढाउँदै आएको हो ।

संस्थाको व्यावसायिक स्तरीकरणका लागि गरिएको उक्त सुपरिवेक्षणका क्रममा बचत तथा ऋण परिचालन, ब्याजदर, वार्षिक योजना, सम्पत्ति शुद्धीकरण निवारण नीतिको पालना, नियामक निकायहरूबाट जारी निर्देशनहरूको परिपालना, भाखा नाघेको ऋण असुलीको अवस्था तथा समग्र आर्थिक सूचक र सहकारीले उपलब्ध गराएका सेवा सुविधाहरूको विषयमा गहन समीक्षा गरिएको नेफ्स्कूनका कार्यक्रम अधिकृत मनोज खड्काले साकोस आवाजलाई बताउनुभयो ।

सुपरिवेक्षणका क्रममा नेफ्स्कूनका कार्यक्रम अधिकृत मनोज खड्काले संस्थाको वित्तीय स्वास्थ्य र सुशासन चुस्त राख्न आवश्यक प्राविधिक सुझावहरू प्रस्तुत गर्नुभएको थियो । नेफ्स्कूनको रचनात्मक सुझावहरूलाई आत्मसाथ गर्दै संस्थालाई आगामी दिनमा थप सुधारउन्मुख, व्यवस्थित र सुशासित बनाउँदै लैजाने प्रतिबद्धता संस्थाको नेतृत्व तहबाट व्यक्त गरिएको छ ।