नवलपरासी । किसान बचत तथा ऋण सहकारी संस्था लिमिटेडको आयोजना तथा नेपाल बचत तथा ऋण केन्द्रीय सहकारी संघ लि. (नेफ्स्कून) र German Sparkassenstiftung for International Cooperation  को सहयोगमा सञ्चालित तीन दिने कृषक व्यवसाय खेल तालिम श्रावण २८ गते सम्पन्न भएको छ ।

समुद्घाटन कार्यक्रमको अध्यक्षता संस्थाका अध्यक्ष भोजराज पौडेल, विषेश उपस्थितिमा पूर्व अध्यक्ष एवं शिक्षा उप–समिति संयोजक, नेफ्स्कूनका संचालक सदस्य गोपाल प्रसाद गौतम, संस्थाका सचिव सरस्वती कंडेल, प्र.का.अ. संजयराज तिमिल्सिना, शिक्षा उप–समिति सदस्य शुभ राना, गैंडाकोट पूर्व एकाई संयोजक डिलाराम सापकोटा, गैंडाकोट पश्चिम एकाई संयोजक खिमा शर्मा, नेफ्स्कूनका व्यवसाय अधिकृत अस्तमिता अधिकारी र यमकला सुवेदी, संस्थाका विभाग प्रमुखहरु किरण देवकोटा, अर्जुन पौडेल, प्रेम प्रसाद अधिकारीको उपस्थिती रहेको थियो । 

समुदघाटन कार्यक्रमको सहजिकरण संस्थाका सचिव सरस्वती कंडेलले गर्नु भएको थियो । कार्यक्रममा प्रमुख कार्यकारी अधिकृत संजयराज तिमिल्सिनाले उपस्थितलाई स्वागत गर्दै कार्यक्रमको आवश्यकता महत्वको बारेमा प्रकाश पार्नु भएको थियो । शुभकामना मन्तव्य दिँदै शिक्षा उपसमिति संयोजक, पूर्व अध्यक्ष एवं नेफ्स्कूनका सञ्चालक सदस्य गोपाल प्रसाद गौतमले आयोजित तालिमले सदस्यहरूलाई व्यवसायमुखी र आत्मनिर्भर बनाउन महत्वपूर्ण योगदान पुग्ने बताउनु भयो । 

कार्यक्रममा तालिमका सहभागीले व्यवसाय सञ्चालन गरिरहेका तथा व्यवसाय सुरु गर्न इच्छुक सदस्यहरूका लागि तालिम निकै प्रभावकारी, व्यावहारिक र फलदायी भएको अनुभव सुनाउनुभयो । गत साउन २४ गतेदेखि तीन दिनसम्म सञ्चालन भएको उक्त तालिममा विभिन्न क्षेत्रका २९ जना सदस्यहरूको सहभागिता रहेको थियो । 

तालिममा नेफ्स्कूनका व्यवसाय अधिकृत अस्मिता अधिकारी र यमकला सुवेदीले सहजीकरण तथा प्रशिक्षण प्रदान गर्नुभएको थियो । कार्यक्रमको व्यवस्थापन तथा संचालन संस्थाका कार्यक्रम विभाग प्रमुख प्रेम प्रसाद अधिकारीले गर्नुभएको थियो ।