मकवानपुर । नेफ्स्कून मकवानपुर फिल्ड कार्यालयको आयोजनामा थाहा नगरपालिका ३ थाना बजारमा अन्तरलगानी प्रवर्धन कार्यक्रम आयोजना गरिएको छ । हिजो आयोजित कार्यक्रममा नेफ्स्कून सदस्य एवम् गैर सदस्यहरु गरी डेढ दर्जन बढी सहकारीकर्मीहरुको उपस्थिति रहेको थियो । जिल्ला बचत तथा ऋण सहकारी संघ लि.का सञ्चालक सदस्य फणिन्द्रनाथ सुवेदी अतिथि रहनुभएको कार्यक्रममा नेफ्स्कूनको व्यवसाय प्रवर्धन तथा स्तरीकरण कार्यक्रममा विषयमा अनुगमन अधिकृत सुरज चालिसेले प्रस्तुति गर्नुभएको थियो भने समग्र कार्यक्रमको व्यवस्थापन सुरेन्द्र श्रेष्ठले गर्नुभएको थियो । कार्यक्रममा सहभागीहरुले नेफ्स्कूनको सेवा व्यवसायसँग जोडिन इच्छा व्यक्त गर्दै स्तरीकरण कार्यक्रमका विभिन्न पक्षका बारेमा जानकारी लिनुभएको थियो ।