दाङ । नेफ्स्कून जिल्ला बचत संघ साझेदारी कार्यक्रम अन्तर्गत दाङमा २ दिवसीय सदस्य सम्बन्ध तथा बजारीकरण क्षमता बिकास तालिम सुरु भएको छ ।  जिल्ला बचत तथा ऋण सहकारी संघ दाङको आयोजना एवम् नेफ्स्कूनको प्राबिधिक सहयोगमा राप्ती गाउँपालिका ५ सिसहनिया स्थित देउखुरी साकोसको सभाहलमा तालिम सुरु भएको हो । जिल्ला बचत संघ दाङका सचिव बिमल अधिकारीको अध्यक्षता एवम् नेफ्स्कून फिल्ड ब्यवस्थापन उपसमिति सदस्य शिवध्वज मल्लको प्रमुख आतिथ्यतामा आयोजित सुरु तालिमको सहजीकरण नेफ्स्कुनका बरिष्ठ अधिकृत एबम् क्षेत्रीय कार्यालय नेपालगन्जका प्रमुख दिपक प्रसाद ढुंगानाले गर्नु भएको छ भने कार्यक्रमको ब्यवस्थापन नेफ्स्कून फिल्ड कार्यालय दाङका इन्चार्ज बेद प्रसाद भट्टराईले गर्नु भएको छ ।तालिममा देउखुरी क्षेत्रका ११ वटा बचत तथा ऋण सहकारी संस्थाका २८ जनाको सहभागिता रहेको छ ।